برايي اشوف ان للعنوسه اسباب مب سبب واحد


مرات من الاهل نفسهم اللي يوقفون بطريج بنتهم ويخربون عليها


مثلا حد يخطب الصيغيره يقولون لا مابنزوجها الا اذا العوده تزوجت او هذا خاطب قبل هذا كبير هذا صغير


مب من مواخيذنا مايناسبنا او حاطين فبالهم حد من الاهل بياخذها ويتفاجأون انه خطب او ملج وانت البنت وخواتها عوانس


مااعتقد ان المهور غاليه اقل مهور مهور بنات الرمس هاللي لاحظت ربيعاتي كلهم من دبي والفجيره ودبا وبوظبي والشارجه وكلهم مهورهم فوق ال 120000

هذا من غير بيزات الذهب وبيزات الصالون والفستان ع الريال بعد


وثاني سبب البنات وانا بتكلم عن نفسي رفضت واااااااااايد لاني كنت احس ان المسؤوليه كبيره وعمري كان
تحت ال21

وابا اخلص دراسه

بس يوم يا النصيب وخلصنا دراسه ماقلنا لنا والله يوفق الجميع فحياته

سوا مخطوبين او مالجين او متزوجين


وفـــــــــي سبب مهم اللي هو الريال او اللي بيخطب واهله مثلا اخته تقوله لا هاي ماتناسبك او هاي فيها وفيها

امها مب مواطنه ولا دلوعه مع ان البنت ماعليها كلام او يعممون

بنات الرمس وبنات الرمس ويدورون من برا الرمس او من برا الاهل

مره ضحكت ع وحده من الامهات سألوها ليش ماتخطبين لعيالج من الرمس ؟؟ قالت بنات الرمس متنقبات او متغشيات

وانا ابا لولدي وحده فري مب موحده متشدده >>> الحين المحتشمه مودرينها ويركضون ورا الفري

اشوف ان الواحد لو فكر يعرس يشوف بنات من اهله يرحمون اهليهم يوم بيكبرون ويستر ع اهله او من ييرانهم

واذا ماحصل ترا نبات الرمس ماعليهم كلام واحسن واحلا مليييييووووون مره من غيرهم


حلات الثوب رقعته منه وفيه