[align=center]السلام عليكم

بصراحه اقتراحاتك جميله ,,, وملاحظاتك هامه يجب ان تكون من اوليات الامور في الدورات المقبله ,,,
لكن دورات بهالاشهر شوي صعبه ,,والمعرروف الصيف هو وقت الفراغ والاجازات وانتهاء كورسات الجامعه وغيرها وغيرها
راح تلاقي قلة بالمتابعه وما بتشوف شباب وايد فاضين ,,,
لو تكون دوره بالصيف هي الاساسيه ودوره ثانيه بأجازة الربيع او شئ جي بتكون حلوه ومفيده


عندي ملاحظه لنادنيا ,,.؟ ليش ما يستفيد من اللاعبين الي يشاركون في الدورات الصيفيه والحين الرمضانيه

منتخبنا وصل كاس العالم ووالاعبين الي فيه من حارات يعني فرجان واكثرهم من خورفكان والشارجه ,,ومصر لليوم تاخذ لاعبين من الحارات عندها لجان خاصه تدور من حاره ل حاره تشوف الي يلعبون وتسوي دورات بالمدارس وتاخذ لعبيه ويستفيد منها المنتخب والنادي

لكن هالشئ مفتقدينه نحن في نادنيا اقل شئ مدينه صغيره مثل الرمس نقدر تبحث ونشوف عن لاعبين ونقدر نستفيد منهم ويكون نادينا مدعم بعيال الرمس

قبل 10 سنوات النادي كان يقيم دورات بالصيف قبل ابتداء الموسم للمراحل السنيه ومن هالدوره يشوفون الاعبين المميزين ويدخلونهم النادي طبعا بموافقة اولياء الامور والمتابعه معاهم والاهتمام فيهم بالمدرسه ومنها تشوف لاعبين مميزين ولو لاحظتوا انه المراحل السنيه قبل 8 او 9 سنوات كانت هناك نتايج حلوه ولاعبين كثر ومستوانا فوق ونتايجنا ممتازه

اليوم نفتقد هالشئ ,, المفروض نادينا يسوي لجنه للبعث عن الاعبين ويكونوا ناس متخصصين او لاعبين قدامي وعندهم الاسلوب الجميل والتحفيز لجذب هؤلاء الاعبين وصدقوني عيال الرمس ودهم يخدمون ناديهم لكن شوي اهتمام ودفعه معنويه

إن شاء الله يكون تفكير هذه الاداره جديد ومفيد وبعيدا عن التخبطات السابقه

خرجت عن الموضوع شوي بس هذا المفروض يكون والفكره الاساسيه الي لازم تنطرح




[/align]