ما شاء الله عليك يالعتيبي جذبت الشباب
الخير و البركه فيكم اخوي
عادة البنات هم اللي يسألون ، إن شاء الله دوووم للشباب
يمكن مستحيات ههه
والحين أسألتي:
ما هي قصتك مع المنتدى؟ وكيف تعرفت عليه؟
القصه اني أعرف عن الموقع قبل لا يكون هناك منتدى ... و بالصدفه في يوم من الأيام دخلت الموقع قلت على و عسى فيه شي يديد .. و شفت انه تم افتتاح مجالس الرمس الحوارية و سجلت فيه ..
كيف كان الوضع حينما عينت رئيس للمشرفين؟
و الله ياخوي انا بتكلم بصراحه انا بالأول ما بغيت أكون رئيس المشرفين ... لظروف شخصيه و خاصه فيني و قلت ببتعد عن هذي الأمور .. و بعدها كلمت بوناصر و بعد عدة محادثات قررت الادارة وضعي كرئيس للمشرفين و هذا شي جميل من الاداره بوناصر و بن خلف .. ما يقصرون
ما هي الأقسام التي تفحصها بشكل روتيني ، أو أنه واجب عليك فحصها؟
تقريبا امر على كل الأقسام بس على السريع و فيه أقسام معينه اتابعها بعنايه .. و انا أفعل المشاركات المراقبة من لوحة التحكم مرات .. و بصراحه المشرفين مب مقصرين و الكل شال الثاني .. يعني مرتاحين الحمد الله
ما هي مقترحاتك التي لم تتحقق بعد للمنتدى؟
فيه أقتراح .. التفعيل بالمسجات مع ان عندنا هذي الخدمة اللي هي ارسال رسالة نصيه من الموقع للموبايل بس خدمة التفعيل بالموبايل للحينه ما تفعلت (( هههه بو ناصر بيعصب ههه )) .. و فيه اقتراحات ثانيه كانت في بالي بس ما قلتها .. قلت اتريا اشويه .. و الحينه مع انشغالي بأمور معينه قمت ما افكر عدل
في ملفك الشخصي: www.alramsnet.com ، لابد أن لها قصة؟
هذا موقع شكبة ومنتديات الرمس .. كنت صاحب هذا الموقع وكان عندنا مجموعة رائعه من الأداريين و المشرفين و الأعضاء و كان الموقع جيد .. و أعتقد انه كمل سنه و شي .. بس مشاكل واجهتنا اقدر اقولها مشاكل داخلية تخص الاعضاء و المشرفين و غيره و مشاكل الاستضافه .. فبالنهاية أنغلق الموقع .. تاريخ تأسيس هذا الموقع كان بسنة 6-6-2006 الى 1-7-2007 .. بهذا الحدود و الحمد الله الله عوضنا بموقع أكثر من رائع و يخدم المنطقة بشكل كبير جدا
و حياك الله اخوي تايم
العتيبي
