لاحول ولا قوة إلا بالله ،ياجماعة أخذو الأمر جد ، والله إن بنات الرمس اللي متزوجات من خارج الرمس رافعات راس الرمس فوق ، والكل يحلف بأخلاقهن ، وهذا دليل إن بنات الرمس بدون مبالغة بنات قمة في الذوق والأخلاق ، وكون إن البنت ظلت عانس هذا مايعني إن هن بطرانات ، لا والله ، بس النصيب ماجاء والله ماكتب ، واللا تبون كل واحد يتقدم للبنت توافق عليه على طول ليش هي الدنيا سايبه ؟ ماسمعتو وفهمتو قول رسولنا الكريم (خذوا من ترضون دينه وأخلاقه) يمكن اللي متقدم لها عديم الأخلاق ، أو مايخاف الله فيها ترى الناس تشوف وتسمع، وشوفوا ترى غلاء المهور صارت موضه جديمه ماعاد هناك غلاء وغيره الجيل اللي طلع ألحين جيل متفهم وعارف الأصول ، إنتوا ماسمعتوا عن الأبو اللي زوج بنته بدرهم ، واللي زوج بعشر دراهم ، ياجماعه الرمس مب من كبرها ومافيها بنات لهاك الزود مامعرسات أنا ألاحظ من يهل الصيف أعراس الرمس ماشاء الله اشكثرها الله يوفقهم ، ونصيحه مني لكل الشباب اللي يبي الأخلاق والحشمة والذوق والجمال وست بيت شغوله تحترم الحياه الزوجيه ياخذ رمسيه وهو مغمض، أنا تراني ماأدلل فيهن لكن كلام الحق لازم ينقال،أحلى شي شفته فيه ابتكار وتجديد وماشفته في مكان ثاني هو بطاقة الدعوة الشامله على شوارع الرمس تدعو لحضور العرس ،وهذا دليل على إن عيال الرمس ورجالها فيهم الخير والبركة ، ويظهر عليهم التكاتف والتآلف والمشاركة في الأفراح ،والدليل واضح على المحبة النابعة من قلوبهم، وعقب هذا كله نقول الله يبارك في بنات الرمس وشبابها.قولوا آميــــــــــــــــــــــــــــــــــــــــــــــــن.

أم خالد رمساويه خيماوية حتى النخاع