الســـلام عليكـم ،،
.
. و عليكم السلام و الرحمه
اشحالك ،، عساك بخير ..
.الحمد الله تمام ربي يعافيج
.
علوم الكرسي وياك
يمدحون اليلسه
هيه و الله يمدحونها ... تبين تقعدين مكاني ههه
هههههههههه
حي الله العتيبي ،،
.
.
الله يحييج
اسئله خفيفه منيه ومناك
نقصر الدووب شويه ،،<< ما اظن خخخخ
.
.خذي راحتج الشيخه
[1]
شوه موقفك لو انفهمت غلط من ناس قراب .. و هالناس ردوا عليك بكلام جارح .. بتسامحهم وبتسكت .؟!
أمممم ما أظن أن الناس اللي قراب مني يفهموني غلط و لو صار و فهموني أكيد بفهمهم بالسالفه و لو جرحوني بسامحهم بس عقب ما أحسسهم بالشي اللي سووه .. مهما كان هم قراب مني فلازم اسامحهم بالنهايه
[2]
متى تستسلم .؟!
وقت النعاس ههه استسلم للرقاد
[3]
فاقد الشي لا يعطيه .. هل انت مع او ضد هالجمله .؟! وليش .؟!
أكيد مع لانه ما جرب الشي او نقدر نقول ما ذاق الشي فكيف بيعطيه ..؟؟ بس عندي رأي أنه بيقدر يحاول في إعطائه و لو أجتهد من نفسه أكثر و أستفسر فبيقدر يوفي حقه ان شاء الله
[4]
شو هيه قمة التحدي بالنسبه لك .؟!
التحدي بالنسبه لي أنواع ... تحدي بغرض اثبات الذات و التنافس و تحدي بغرض العناد .. و انا بصراحه عندي النوع الثاني أكثر من النوع الاول و هذا عيب من عيوبي
[5]
قد مر عليك ربيع تندمت انك رابعته ؟!!
هيه .. بس ما وايدين هو كم من واحد تقريبا
[6]
لو دخلت السينما و شال ف ايدك فراخ وفجأه تتجربع ويطيح من ايدك ،، والناس كلها شافتك ،، شو بيكون شعورك ..؟!
هههههههه ها الموقف شفته و الله بالسينما و الجماعه كلهم سكتوا لين ما طلع الريال و من عقبها ما سكتت من الضحك انا و اربيعي لين ما وصلنا للبيوت ههههه ... بصراحه بسوي شيئين .. بنش بسرعه و عقبها بدل السيارة وين و برد البيت و انا اضحك على عمري هههه
[7]
في يــدك اليميــن باقة ورد ،، وفي اليســار باقة شوك ،، حــق منو تهدي الورد..؟!
بعطي لكل عضو من اعضاء منتدى الرمس من الباقة اللي على اليمين .... و بالباقة اللي على اليسار بعطيها للأعضاء اللي سجلوا معانا و ما قاموا يتواصلون ابدا
[8]
لـو كنت رايح المول وشفت ياهـل يصيــح بـروحـه ،، محـد عنــده بتروح تشوف شو سالفته ! ولا بتخليه وبتكمل دربك ..؟!
على حسب لو المكان مزحوم بصراحه بروح عنه .. بس لو المكان مب زحمه و بحس ان الولد ما عنده حد اكيد بروح اشوف سالفته
[9]
انت واقف عند الدريشه ،، وفجـأه ،، يت حمامه ،، وعطتك
رساله !!
* تتمنـى الرساله تكون من منـو ؟!
هههههه جيه رسوم متحركه ههه ... بتمنى انها تكون من شخص ما أعرفه ههه أكشن لوول
* وشو تتمنـى يكون مكتوب فـ الرساله ؟!
تكون الرساله مب لي بس انا اقراها و اضحك على كاتبها ههه حد قال للحمامه تيي عندي ههه
[10]
حـق منـو تظهـر اللي فـي خاطـرك يوم تضـايج ؟!
جاوب عليه قبل .. كانوا عدت اشخاص بس مشاغل الدنيا خذتنا عنهم و حاليا تقريبا شخص واحد
[11]
شخـص قـدرته وأحتـرمتـه وصنتـه وفالنهـايه خـانك ،، شـو أول شـي بتقـوله ايـاه ؟!
الخيانه أنواع ... فأي نوع تقصدين ... و الجواب بعد أنواع .. منه بقول له الله يسامحك و منه بقوله ندمت اني قدرتك و منه بقول الله وياك .. على حسب
[12]
كلمـه تقـولها لإنسان أحسنتلـه وضـرك فـي حياتـك ؟!
ما تستاهل
[13]
اسلوب التطنيش تتبعه اكثر مع المتكبر أو ضعيف الشخصيه أو العصبي ؟!
المتكبر و ثم العصبي ... المتكبر بيعور راسي وياه علشان جيه بطنشه ... و العصبي وناسه يوم تعصب فيه بس لو زودها طنشه احسن هههه و ضعيف الشخصيه يحليله .. ليش اطنشه بالعكس احب اسولف وياه احس الدنيا بخير عنده
[14]
هل برايك ان في زمانا هذا المصالح طغت على الصداقه .. ؟!
لا ما طقت بس كثرت ... بس تبقى هناك صداقة طيبه بين الناس ... بس مب عيب لما انا احتاج من ربيعي شي اني اطلبه ... ما تعتبر مصالح .. اذا ربيعي ما وقف وياي بيوم محنتي متى بيوقف وياي .. ؟؟!!
[15]
هل تضحي من أجل الحب ..؟!
أسألتج عامه ههه ما بقدر أجاوب عليها جيه .. بهذا السؤال اقول على حسب بعد بس أعتقد أنا من النوع اللي ما يضحي علشان حب ..
[16]
هل ممكن تكره شخص آذاك بحياتك ،،؟! ولييش؟!
هيه أكيد بكرهه ... لانه حاول اذيتي .. بس مع الايام يمكن اسامحه .. بس عقب ما احس انه اصطلب و ودر حركاته
[17]
هل تشوف ان دمعة الرجل دليل على ضعفه ؟!
. مرات نعم و مرات لا ... الرجل مهما يكون بالنهاية انسان بس الريال دمعته محد لازم يشوفها غير اشخاص محدودين هو يحددهم بنفسه ... الضعف لما تنزل دمعتك في كل وقت ... و القوه ان دمعتك تنزل و انت رافع راسك
.
.
يقولون ختامه مسك ،، << واكيد أنـا المسك ،، ^_^
السؤال الثامــن عشر ،، رايك فينـي ..
شو رايك فيني ؟!
.
. رايي فيج بقوله لما بشوف مشاركات اكثر منج ,, ساعتها بقدر احكم عليج اختي و اقول رايي فيج
.
وبـس !
والسموحه ع الاطاله والاسئله المتعبة ..
خذي راحتج
<< تباني أسأل بعد ولا خلاص !! لووووول
تعالي كل يوم هههه
مشكوره اختي الدماني على الاساله
العتيبي
