شكوى على باصات الجامعه

[رماني زماني]

بسم الله الرحمن الرحيم

السلام عليكم ورحمة الله وبركاته .,,

الى كل من يهمه الامر .,,

معاناه البصاصات الجامعه للاماره راس الخيمه والله ما نقدر نستحمل اكثر صبرنا الكورس اللي طاف وقلنا باجي 3 اسابيع وبنرد البيت وبنرتاح ووعدونا انهم يغيرون الباص انصدمنا نفس الباص ونفس الحال مكيفات ولا جنها تشتغل خط من راس الخيمه لين العين وصيام والله ما نقدر نتحمل اكثر رمسنا مسؤل وقلنا حق راعي الباص سوا شي انصدمنا من رد راعي الباص يقول هذا الباص بيتم معاكم سنه يعني هم بس يقولولنا بيغيروه مجامله ولا حاسين فينا وبالحر الباص جنه تنور باص العمال ارحم يخلونهم يفتحون الدرايش .,

بنقول ما عندهم باصات الا الخرب للامارات البعيده بس نحن نشوف باصات من احسن الباصات توقف بموقف السكن لكن شو للامارة دبي او ابوظبي وحتا يعني الامارات الجريبه اللي ما يبالها الا ساعتين يوفرون لهم احسن الباصات ونحن مانستاهل باصات محترمه .,,

في بنات شكوى على الخط الساخن وشكوى لانه الحال ما ينصبر منه وللازم نرمس ونبا حد يسمعنا ويحس فينا نحن بنات ما تنسحمل نقعد بالباص نتهفف وين عايشين ونحن الحمدالله بخير ونعمه

مايقدرون يوفرون باصات عدله للامارة راس الخيمه

في بنات مرض اللي فيها الربو واللي فيها القلب واللي فيها حساسيه وفوق هذا صيام

موقف صار الكورس اللي طاف بالباص تخيلوا كنا رادين راس الخيمه وفجأه بالدرب قبل مليحه الباص مكيفاته بندت ونحن بالصيف قلنا للراعي الباص شغل المكيف بنموت ما نقدر نستحمل قال تموا جيه لين توصلون الاماره المكيف اخترب

احتشرنا وقف صب عليه ماي ويااااااله اشتغل

واللي يقهر هذا المسؤل اللي محطينه يحسسنا انا نأذن بخرابه ماشي فايده انت المسؤل سوا حقنا شي

بس يلاحقنا طول الخط بسياره مرتاح ولا عليه .,

مب هو اللي بالباص ويعاني .,,

كتبت لكم معاناتنا ونحن بنات اماراتكم

اتمنى تساعدونا

وتوقفون ويانا

الحال ما ينصبر عليه

[RAKBOY783]

الله يصبركم ويعينكم

صدقج والله هم ماحاسين بها الشي

لو حاسين اليوم قبل باجر ايبدلون الباص

يسلمو ع الطرح

ربي يحفظكم

[الجوهر المكنون]

شي يحر الجبد والله..
الله يصبركم ان شالله..
لا حول ولا قوة الا بالله.. وحسبنا الله

[بشموخي قاهرتنهم]

السلام عليكم .. الصراحه الله يعينكم والله إني عشت هالمعاناه بس الحمد الله افتكيت منها .. بس لو تقدرين تكتبين انتي أي سكن وشو اسم راع الباص ... واللي علي بسويه وفالج طيب ..

[إكس للحب]

لو بإيدي جآن إِشتريت لكم باصاات يديدهـ .. بس كل الي اقدر عليه اني أواااسي حالتكم
وأدعي إلكم إنه أموركم تتسهل ..
متأسفه معاناااه صدق حاسين إبها بس ما باليد سوا المتااابعه ..


وعسآ خير ..


إحتراامي لج

[أسير الشوووق]

الحمد لله الامارات ما مقصره مع دول العالم بكبره

فكيف بعيال البلاد .../// ما في حد يوصل ها الكلام للمسؤولين الكبار لانهم لو يدرون اكيد ما بيقصرون وكلنا عيال زايد

وأنا أقولكم ما شي حل غير الفيس بوك صفحة الشيخ محمد بن راشد أختي انتي انسخي موضوعج وطرشيه وبعد خلي كم من بنت تكتب عن نفس المعاناه وإنشاء الله طويل العمر بيشوفه الموضوع ان كان يدش وما بيقصر أكيد

[wolf biker]

اللـــــــــــه يعيـــــــــــــــنكم .. اتصلوا بالبث المباشر ولا تسكتون عن حقكم ، وبنحاول نحن من صوبنا والله يجدم الى فيه الخير بأذن الله .

[>>جنرال راك<<]

شكراً ع الطرح

[الشاكي83]

ان شاء الله تنحل مشكلتكم ويصرفوا لكم باصات يديده

لان نحن في بلد زايد الخير وان شاء الله يوصل كلامج لحد من المسؤولين وما اعتقد ان وصل كلامج لهم انهم بيتاخرون على حل هالمشكله

صرااحه محد يقدر يقعد بهالحر لو دقايق فما بالج بثلالث ساعات وبدون درايش حتى

الله يكون في عونكم

[رماني زماني]

مشكورين على المرور ونحن مانبا غير باصات مكيفاتها عدله وتبرد خط طويل لو بالبرد عادي بنسكت بس الجو الحين صيف ما نستحمل وصيام والله كرهنا النزله والرده .,,

واي حد يعرف رقم البث المباشر يعطيني اياه .,,

وان شاء الله خير .,,