السلام عليكم ورحمة الله وبركاته

حبيت اشاركم مشكلتي مع البنك اليوم

حيث اني مريت البنك اريد اسحب مبلغ تقريبا فوق ال 5 الاف درهم

وفعلا طرشت زوجي يسحب لي بس قال لي انه الصراف عطلان

كانت تقريبا وقتها الساعة 4 و11 دقيقة عصرا

بس الي تفاجأت فيه انه وقت المغرب وصلني مسج بخصم المبلغ من الحساب

وقلت يمكن بالغلط

شيكت على حسابي عن طريق النت ولاحظت انه المبلغ مخصوم يعني لفلوس راحت

ومن لحظتها لبعد العشا وانا احاول اتصل وانا ملطوعة عالخط وهم يقولون جميع الموظفين مشغولين بالرد لموظفين اخرين لغاية ما امل واسكر وكل ما اذكر الموقف اتصل ولا جواب

ولما رحت البيت شفت اختي بعد تشتكي من البنك نفس الحالة

بصراحة لما افكر بالمبلغ ومتى بيرجعوه لنا انقهر

لانهم دايم البنك ياخذ وقت لغاية ما يسترجع

والخوف من شي ثاني انه يكون مسحوب او شي

بس الله المستعان

هذي مشكلتي وحبيت اشاركم فيها