[align=center]
أولاً طرح الموضوع جميل واهنيج اختي على مهارتج في الطرح وكتابة المواضيع
ثانياً...
أنا ملاحظ بأنه الأغلب من الأعضاء يحاولون يرضون نفسهم ويرضون الغير ويحاولون يبينون انه المشكله سهله وعادية
أنا رأيي بالعكس... القرار خطأ وفي غير محلة.. والأصح انه نقول خلونا نتعود عليه بس مب انه نقول بانه صائب..
واما بخصوص القرار ... مثلاً البنت الاخت او حتى الأم المعلمة.. متدخنه ومتعطره لانها بتسير مدرسة تعلم البنات
والطاقم كله بنات.. يعني لو نحسب لكشختها... ( طبعاً حتى الدين ما يمنع التزين عند النساء للنساء )
فكيف أنا كرجل او اخ او حتى اب انه النساء يطلعن من السيارة ويتوجهن والعطر والكشخه باينه من باب المدرسة لين الشارع الخارجي. ( انا اعرف بانه بعض القراء بيقولوا : مب لازم يتعطرن ..) هنيه نحن بنحاول نرضي اعمارنا مب انه نصلح القرار.
وشيء ثاني... بخصوص انه البنت تكون برع... ( مب المدرسة البيت الثاني؟ )
مب المعلمه الأم الثانيه؟
مب نحن مأمنيين عيالنا عندكم؟ فكيف سهل انه تطلع البنت بدل لا نستلمها من داخل المدرسة؟
انزين.. بقول لكم موقف ما عجبني في بعض مناطق الدولة غير راك..
انا كنت طالع بوقت الذروة و بالحظ لاحظت بانه وقت المدرسة انتهى.. والغريب واللي شد انتباهي
انه مدرستين للبنات واقعات على الشارع العام .. يعني المين رود. لو بنتقل لمنطقه ثانيه ولغيرها..
والأغرب من هذا... انه الطالبات كانوا بصف طويييل برع المدرسة... الصف كان مواجه للمدرسة يعني كأنهم يتريون القنص
وكأنه وقع عليهم الإعدام و ينتظرون الرصاصه,,, هنيه انا قلت كيف مدرسة تخلي البنات يطلعن برع المدرسه؟
سهله انه اي ولد ايي ويشل اللي يبغيه ( والله يعين.. المنظر كان سهل انه يغري اصحاب النفوس الضعيفة )
فما اتمنى انه نشاهد من مثل هالمواقف.. ولضمان عدم حصولها بإذن الله انه لما نحط القرار نحاول يكون صائب من أغلب الجهات
واللي يقول نسوي رياضه من برع لداخل.. انتو بنات.. الرياضه لها آداب.. وحصص التربية مع طابور الصباح كافيه لكم واشرف.
وشكراً اخواني وأخواتي وسامحوني على الهذربه الزايده.. أعرف اني طولت عليكم.. لكن من الحرة اللي في جوفي.
ونترقب جديدكم دوماَ
[/align]
