هل تحاسب غيرك على خطأ أحد أفراد أسرته؟؟

بالنسبة لي لا طبعا... ما احمل عشرة عمري والانسانة اللي احببتها غلط حد من اهلها ابدا
وهل المحاسبه تختلف بإختلاف الخطأ؟؟
اكيد... حسب الغلط
إذا حصل مثل هذا الموقف هل تترك زوجتك أو تتركين زوجك؟؟
طبعا واكيد لا ومن المستحيل بعد مع سبق الاصرار
وهل تقبل \ين الإرتباط بشخص له ماضي سيء ولكنه تاب؟؟
تدرون يا احبائي ان بهالزمن 2009 صارت كثير امور تختلف ومعقدة وايد مب شوي... صحيح من الصعب الارتباط بانسانة لها ماضي لكن دام الحب موجود والتوبه اهم شي اكيد ماشي مانع من الارتباط
ما هي نظرتك لشخص خارج من السجن؟؟
ان الله غفور رحيم... ماتعرفون شو نفسية الانسان عندما يكون داخل السجن ... القبر ارحم والله يا اخوان
يمكن اذا اختلطن بهالانسان وكان لي صلة مباشرة فيه او صديق عزيز علي وايد مابتتغبر نظرتي فيه لانك اخي العزيز تعرف منو هالانسان وشو اخلاقه ودينه والانسان مب معصوم عن الغلط...وهني بالذات غلطة الشاطر بـ 1000 ومستحيل اغير نظرتي بشخص اعزه واوده واعرفه عدل حتى لو دخل السجن
وهل كل من يدخل السجن يكون سيء ؟؟
لا طبعا ومستحيل هالشي...مب كل حد دخل السجن يكون سيء ابدا... بالعكس ...