شكرا على تعقيباتكم الطيبه

وبالعكس انا بطرحي ما اجمع كل المعلمات والمعلمين .. ومابا اهظم حقهم

لأن صج في منهم ما مقصرين واسلوبهم رائع مع طلابهم وطالباتهم وجميعنا ما ينكر هذا الشي

ولكن انا ما اتكلم عن ولد اختي فقط .. عن الكثير من الطلاب والطالبات اللي يعانون من هذا الاسلوب وخاصه الجرايد ما مقصره بالحالات اللي تكلمت عنها .. سالفة الخيزرانه وسالفة الطالب يوسف

سمعت ربيعتي تقول ولدها من يومين ما راضي يداوم وهو في مدرسه خاصه قالتله ليش قالها المعلمه ضاربتني على راسي

اذا كان بعده طفل صف اول ولا ثاني .. كيف بيحب المدرسه ومعلمته اذا كان جيه اسلوبها

وصاير الضرب عشوائي .. قبل كلنا نقول بمسطره وشوي ع الايد .. الحين بالكتب والدفاتر ووين ما اتيي الطالب على راسه او ظهره او جتفه ..

وغير هذا الالفاظ اللي يتلفظونها البعض .. سمعت وحده من بنات اخوي تقول المعلمه تشبهنا بالحيوانات وتكلمنا باسلوب غير شكل .. الله المستعان بس