السلام عليكم ورحمة الله وبركاته
لو رجعنا لبداية الموضوع والمواضيع اللي ادت لهذه الفتنه بنلقى الغلط مشترك
بداية الامر كان السماح للعضويه الفضيه في الكتابه .
الحين اللي كتب الرد وسمح لنفسه بالهجوم لاشخاص مع ذكر الاسماء وقذفهم باسماء والقاب جارحه شو اللي استفاد منه الفائده هي تفريق الجماعه اختلافنا لدرجة انسحاب اخونا العزيز علينا الشك اللي صار باتهام الاشخاص
مجرد السؤال هل فلان كتب هذه الجمله اعتبرها اهانه
بسؤالك هذا شككت فيني بحيث اني مب اهل للثقه اللي اوليتني اياها
الامر الثاني كيف اصلا نزل الرد في الموضوع
تعال انت يا مراقب وانت يا مشرف وانت يا اداري
ممكن اتخبروني كيف مر الرد ونزل
هل قريتوا الرد قبل ما اتثبتونه
قبل لا اتلومون كاتب رد لوموا انفسكم المفروض تتعمقون بقرائة الردود
مجرد ذكر اسم لازم نقرا حرف حرف
مب عقب ما طاح الفاس بالراس قلتوا روح يا فلان وقدم الشكوى واحنا معاك
واحنا سبب رئيسي بالمشكلة هذي لو ما انتبه المسؤول عن تمرير الرد هذا وين بقية المراقبين كيف ماانتبهوله
وكذلك قبل ما انايد او نرفض موضوع الانسحاب وجب عليكم التنبه وين انحط موضوع الانسحاب وجب عليكم التاكد من هذا الامر والتاكد من الاسباب
ما اعتقد اي واحد منا راح يرضى لو وجه الاتهام لاي شخص من ذوينا
عفوا يا منتديات الرمس حاسبوا انفسكم قبل محاسبة الغير
للأسف اقولها الخطأ خطأكم انتم