قبل مااجاوب ع الاسأله برمس عن رايي فالموضوع

حسيت ان مضمون الموضوع يتفرع لقسمين القسم الاول خاصه بغيره اي شخص ع اهله مثل عيال عمه او خالته والقسم الثاني الغيره ع الخوات
واحس بهالوقت قله غيره الشباب ع اهلهم او يمكن انعدمت قبل الريال لو شاف وحده من نفس الفريج او المنطقه يغار عليها ويحميها ويدافع عنها الحين وصلت الحالهان الولد يسوي حركات لبنت عمه او بنت خالته ويركض وراها ويفتخر بهالشي ويرمس عنها هذا شو تقول عنه ؟؟؟
بغض النظر من الغرض سوا كان الزواج او تضييع الوقت ....
او يبركن عند بيت حد من اهله وهو عارف اوقات دواماتهم وطلعاتهم ويراوي ربعه شكل وحده منهم او يحاول بطريقه غير مباشره يوصل الها ولو كان عن طريق حد من اخوانها ويفتخر بهالشــــــي
ولو كانت تسوق وراها مكان ماتروح تقول حرس اميــــــري
هالفئه اعتبر ضررها ع المجتمع اكبر من اللي مايغار ع اخته او زوجته
لانه يخرب سمعه بنت من دمه وبنفس الوقت يعطي الناس طابع غلط عن هالبنت عكس شخصيتها

ما هو شعورك عند مشاهدة مثل تلك الاصناف ماذا تحدث نفسك؟ انقهر واللي يزيدني قهر يوم اشوف الام متنقبه ومستره والبنات كل وحده مطلعه كشتها برا والوان الطيف ع ويها الله يهديهم مرات اتحرا حد عاطنهم بوكسات ع ويوهم

لو مسكت عصا سحرية في ذلك الموقف ما التصرف الذي سوف تتخده؟ بتحول لولد يلفت الانتباه بجماله وطلته وبرقم البنت وبراويها دواها ههههههه>>> نذله الصراحه مااعتقد اني بسوي شي بس بدعي الهم لان بطبيعتي مااحب ادخل بخصوصيات الناس

ما نظرتك للبنت التي تمشى مع ذلك الشخص(التحديد ان كانت زوجه او اخت)اي
موقفك من الاثنتين؟ استحقر الريال لان مب من الرجوله يخلي حرمته او اخته تطلع بهالصوره واحس ان هالبنت قويه ومالها حد يردها

هل تعتبر ان ذلك التصرف ملفت للنظر في الوقت الحاضر؟ الحين احسه استوا شي عادي فالمركز الواحد اشوف مليون واحد ووحده بهالمنظر

هل من الممكن ان تصادق شخصآ بمثل تلك الصفات والسبب؟ لو انا ريال مستحيل انزل مستواي وعن البنت مستحيل امشي ويا وحده بهالمستوى بكره عمري والساعه اللي عرفتها فيها

من وجهت نظرك الزوجة او الاخت التي تكون في هذا الموقف ماذا تحدث نفسها عن الشخص المرافق لها (اقصد الزوج او الاخ)؟ اعتقد انها تستهين فيه وتمشي رايها عليه

هل هذه الظاهرة في ازدياد من وجهت نظرك؟ هيه وااااااااااااااااااااااااايد

كيف يمكن التغلب على مثل تلك الظاهرة؟ احس لو ماكان من قناعه شخصيه مابيتغر شـــــيء

دعاء من خالص القلب لامة محمد جميعآ ولمجتمعنا الاماراتي خاصة لمثل تلك النوعيات؟ الله يهدينا ويهدي الجميـــــــع و ياااااااااااااااااب تنزل ذره من غيره فقلــــــــوب عديمي الاحساس لان رب العالمين يمهل ولا يهــــــــــمل

وفي الختام لا يسعنى الا ان اشكر الجميع واتمنى ان ينال الموضوع على اعجابكم

نحن المفروض نشــــــكرك ع الموضوع المميز والعيديه الحلوه

يعني جي مالنا حق نطالب بعيديه عيديتنا وصلت

عاد انا ماعرف اكتب مواضيع مميزه وحلوه جـــــــي لو تبون عيديه بوزع عليكم لحم ههههه