السلام عليكم ورحمه الله وبركاته..
تولهت ع كتاباتك اخوي(فاقد انسان)..
بس شو اسوي ضغط الدراسه والامتحانات والثانويه ادعولنا بس^^

الصراحه وقفت وقفه تامل اقرا كل حرف وكل سطر وايد اقراه مره ثانية..
سبحان الله والله فخاطري ازوور كل ارحامي وخاصه كبار العايله..

من فتره قصيره صار لي موقف ويا اختي واخووي
مواقف كثيره الصراحه مرت بي..بس بذكر اللي صدق يستحق اني اذكره عسب غيري يستفيد..

بخبركم بالموقف..

اختي ساكنه حذال بيتنا بينا وبينها بس ايدار..يعني لا بينا وبينها بيوت وشوارع ولا فرجان غير..
دوووم اشوفها وايلس فالحوي اسمع حسها واقول ياليتها تينا اتمنى بس تينا تسال عن اخوانها الصغار لكن لا حياه لمن تنادي..
اذكر حتى مره قالت لي جي ما تسالين عني والمفرووض هيه الاكبر هيه اللي تسال عن اخوانها الصغار مش انا صح انا بعد لازم اسال بس ما اقدر ادخل فتفاصيل اكثر لانها مهما كان بتم اختي..

حتى قلتلها جي ما تتصلين كنت اعاتبها قالت الصغير المفروض يسال عن الكبير انا سكت ما اقدر ادخل وياها فجدال ..
لاني اعرف لو اقول واتم اعيد وازيد ما بيفيد فشي..

لو سالتوني شو احب الاماكن اللي اتمنى اسيرها وتولهت وااايد ع هالمكان واللي فيه..
والله ثم والله ماشي مكان احب لي غير((داار المسنين))
اعشق هالمكان دايما اسير واتمنى اني ما اظهر من هالمكان يلست الاباء كم تسوى والله ايلس اتذكر ابوي (الله يرحمه))وعموتي وغيرهم وغيهم واتم اصيح..ما اقدر ايود عمري والله اتمنى اسير هالمكان ان شاء الله اسيره جريب..
وبكتب لكم شو صار ^^

والله غريب حال البشر يعقون اللوم دووم ع الظروف..بسالكم الظرووف تمنع انا نحن نعطي من وقتنا لو القلي للي يستاهلون..؟

انا جوابي اكيد لا..,, عيل لعب الكره لساعات وغيرها والربع وسيره المولات هاي؟؟عادي وين الاهم مشش الاهل..
لكن ما بقول غير الله كريم الله كريم..

انا حاطه لكل شخص ما يسال عني 70 عذر لو انه في ناس ما يستاهلون بس شو بنقول...,,!!

السموووحه منكم..
تسلم اخوي الغااالي ع هالطرح المميز ..
ان شاء الله منها للافضل دووومك مميز مب شي يديد ع شخصك يا ((فاقد انسان))
لاتتضايج عن اللي ما يسال عنك انت كوون دايما الاحسن وانا واثقه انك الاحسن..
بادر بالسؤال عن الغير ..

امنتكم اللــــــــــــــه..
اختكم الظـــــــــــــــي..