موضوع حلو ومميز وفوقته ماشاء الله عليك دومك مميز فطرح مواضيعك
اللي تلامس الواقع بشكل كبير
هل توافق صاحب الموضوع أم تخالف ؟ اكيد رايي من رايك طبعا
- أن كنت تخالف صاحب الموضوع فما السبب؟
- من وجهة نظرك أن اللعب بهذه الألعاب وقت الاختلاط لا تفقد المرأة هيبتها وعزتها؟ مااحترم البنات اللي يلعبون بهدف لفت الانتباه واعتقد لو الهدف الترفيه يقدرون يسيرون القريه من وقت اول ماتفتح تكون فااااااااضيه
- ما نظرك للنساء التي تخرج منهم أصوات غريبة عند الألعاب؟ ماالتفت الهم لان برااي مستواي اكبر من اني اضيع وقتي واشوف هالاشكال
- ما أفضل الحلول بنظرك لتفادي لمثل تلك الأمور؟ احس هالشي شخصي ومهما حاولنا مابنقدر نغير شي المفروض كل واحد يتغير من نفسه ويفكر بعقله واتمنى من اولياء الامور مايتساهلون ويا عيالهم ويودرون البرود والامبالاه
- لو كنت مديرا للقرية ما القرارات التي سوف تتخذها؟ والله احس اللي يشتغلون هناك من مقصرين يخلون للشباب دورو للبنات دور واي واحد يصور ع طول يشلون عنه التيلفون هاللي لاحظته بس مهما سووا صعب انهم يسيطرون ع الكل وفالنهايه الغايه والهدف من الالعاب الربح يعني قراراتي لو كانت صارمه اكثر من الحين اما بخسر منصبي او ما بلاقي اي تاييد لرايي
- ما مستوى الرضي الذي بداخلك باتجاه الشباب والبنات وما الذي تتمناه أن يسود المجتمع؟ فهالوقت ماتفرق بين المواطن والوافد من حيث اللبس او الستايل اتمنى نصير اكثرواقعيه ومانقلد واتمنى من البنات يخففون من هالابراج اللي يسوونها اشوفها قامت تنافش ناطحات السحاب
- نصيحة تقدمها للشباب والنساء
نصيحتي بتكون للبنات بشكل خاص واهم لان لو البنت حطت حدود فعلاقتها ولمظهرها ولتصرفاتها محد بيتجرأ وبيضرها وفهالوقت لو البنت ماعطت واحد ويه مابيتعب عمره لانه بيحصل مليووووون غيرها واتمنى من البنات الثجل
وتحطون فبالهم مستحييييييييييييييييل واحد من اللي يضحك ويتفرج عليهم يفكر فيهم كزوجه ام لعياله
تسلم ع الموضوع الله يعطيك الف عاااافيه
رد مع اقتباس