مشكووورة واااايد يا قلبي على هالموضوع وانا الصراحة خاطري من زمااان احلل شخصيتي
يالله ما التقيت فوزية الدريع ولقيتج انتي واثنينكم اتكملون بعض ^____^
بخصوص اسئلتج ممم والله مادري اذا اروم اكتب كل شي عالعام ولا لأ بس بحاول اكتب الي اروم عليه ان شاء الله
وبإذن الله اتحللين شخصيتي صح ^__^
1/ نبذه قصيره عن حياته بشكل عام ؟
تربيت فبيئة عادية ولله الحمد ,,عندي مرت ابو وامي الثانية
انا الوسطى بين اخواني وخواتي من البيتين ,,شخصيتي ضعيفة امام الناس وماعرف آخذ حقي بيدي وهالشي خلفلي ضغط نفسي وكبت واحس اني ما ارتاح الا اذا سرت حجرتي وصحت على مخدتي,,حاولت اتخلص من الضغوطات بأشيا غلط وانا فالثنوية وللأسف مازالت هالأشيا بعدها وياي,,ومن ورى هالاشيا صارت لي مشاكل لا تعد ولا تحصى واحس عمري واايد اعاند نفسي واعاند غيري ,,بس انا اعاند غيري بدون قصد مني ولا فنيتي العناد بس هم يقولون جذا
2/ حياته النظاميه من ناحية الترتيب وتنظيم الوقت والامور الشخصية ؟
وايد اسهر وهالشي مخربط حياتي
يمكن الجامعه هي الي اشوي اترصني فاتخليني انش غصباً عني معنه دوامي يكون المسا بس بعد احس اني لازم ارتبك يومياً,,عندي وساوس بالذات يوم وراي شي ماعرف ارقد حتى لو كنت امحطيه السنطور عسب يوعيني بعد ما ارتاح,,شو بعد؟؟مادري والله شقولج لأني مب عارفة انتي شو تبين اتعرفين بالضبط ^____^
انا انسانة كنت انطوائية وهالشي خلى الناس يقولون عن ففترة المدرسة اني بطرانه وشايفة نفسي
وكنت وااايد اتعرض للانتقادات والمضايقات من البنات معني مب من النوع ااذي حد
وبعد هالشي غيرت شخصيتي 180درجة وصرت اجتماعية بدرجة أولى وبعد كل ها ما سلمت من القيل والقال وكره الناس لي من دون مبرر
هالشي وااايد يذبحني يوم احس اني منبوذة والكل يرمس عني
3/ الهوايات ؟
احب اقرا واااايد بس هالشي قبل
كنت اسمع اناشيد وانشد والكل يحب صوتي ^__^ واحب اسمع محاضرات بس احينه اندمرت واحس حياتي كله غناوي وماعرف ادرس ولا اسوي اي شي الا وانا امحطيه قناة غنائية
احب اكتب خواطر وشعر
احب العب فويهي يعني اخربط ساعات ميكب وما ميكب ويقولون عني فنانة فهالمجال ^____^
بس ها تقريباً كل شي
4/ كيف يراه من حوله ؟
قتلج فوق حبيبتي ..مادري ساعات شي ناس يقولون عني اجتماعية وناس يقولون عني دفشة وصريحة بزيادة ,,صح هالشي واااايد خايس فيني اني اامن فكل حد وماعرف ولا احب اقول انه فلان جذاب ,,,دايماً اشوف الناس على بياض وانصدم من الي اييني عقب وبعد ما اتوب,,مادري ليش انا جذا؟؟انقرص وبعد اامن وارد انقرص وبعد اعطي مجال ,,ماعرف ماعرف حياتي كلها متخربطة,,شي فئة من الناس الي اتعرف عليهم يقولون قلبي ابيض وطيبة بس انا ماحب هالكلام لأني ادري هم شو قصدهم من ورى هالرمسة,,(هم اييبون هالرمسة بطريقة غير مباشرة اني انسانة غبية وساذجة )
5/ الميولات ؟
اتوقع نفس الهوايات ^___^انا ميالة اذا تطرين للأماكن:احب البحر والبر بس شرط يكون المكان مافيه حد,,احب اصيح فيه على كل شي فات من حياتي
ميالة للهدوء والتأمل يوم اكون بروحي (أحس ساعات اني محتاجة لهالوقت فحياتي )
