الامارات السبع

[Mr.Lonely_23]

السلام عليكم ورحمة الله وبركاته

مثل ما وعدتكم في المشاركه اللي فاتت اني باخذ بعض من اشعار اخوي وبنزلها في المنتدى

اليوم اوفي بوعدي وهذي قصيده من قصايده كتبها في اليوم الوطني 38

اخليكم مع القصيده

وعنوانها

الامارات السبع

باسم الامارات السبع *** ببدع قصيدي والمقال

خلك معي يالمستمع *** بدرز لك افعال الرجال

خــلانا زايــد نجــتــمع *** قـوى بنا حبل الوصال

من راس الداره للسلع *** صارت ديار اهل الفعال

ويشهد علـمـنا مرتفع *** عالساريه ولا يوم مال

اطــيـح رووس ولا يـقع *** بمنـاسبه والا بـقتال

زايــد بـدا بحفر النـبـع *** خلى القفاري كالخيال

كـلــها يـنـابـيـع وزرع *** وبالوصف آيه ف الجمال

البـحر بـه نــورٍ يـشع *** وجنات في وسط الرمال

واللي وصـلـهـا يقتنع *** بأن الزمن مـا بـه محال

كلٍ بأسم زايد سمع *** بأقصى الصحاري والجبال

وكـلٍ بـخيره انـتـفـع *** غرب وجنوب شرق وشمال

وهــذا خـلـيـفـه يتبع *** نـهـج المسيرة بكل مجال

السبع من نسل السبع *** معروف به زين الخصال

لأحـوال شـعـبـه يـطلع *** ويظل من يبغي الظلال

اسمه يـلالي ويرتفع *** كــامـل ولـلـه الكــمــال

وشيوخنا بجمع الجمع *** قدوه وعلى قدر السؤال

حـبـهـم تـرا ما يـنزع *** مــوروث وبـاقي لا يـزال

والـدار داري يا الربع *** دار ربـى فـيـها الــغــزال

وللـخـيـل تـاريخٍ سنع *** انـطول ياللي ما يطال

وبالمجد ضوينا الشمع *** نمحي دروب الإنحلال

وطبع الـعـروبه منطبع *** بـنـفـوسنا وبـلا جـدال


وسوالم

ان شالله عجبتكم القصيدة

وانشالله اقدر اخذ عنه قصيده غيرها

[العنود]

[motr1]
تسسسسسسسسسسلم
[/motr1]

[ناصر خميس]

يسلمووو ع الطرح

[ولد بلادي]

تسلم على القصيدة

[RAKBOY783]

شكرا ع القصيده والكلمات لا اروع دمت بحفظ الرحمن

[Mr.Lonely_23]

تسلمون على مروركم يا ولد بلادي ويا rak boy 783

بس اشوف الزيارات على الموضوع وايده لكن الردود قليله

يمكن ما عجبهم الموضوع مع انه وطني

المهم كفيتوا ووفيتوا ومشكورين على ردودكم وما عليكم زود

[alrams]

قصيده جميله .. يسلم الشاعر

[Mr.Lonely_23]

تسلمون على ردودكم الطيبة يـــ العنود و ناصر خميس و alrams

وما عليكم زود

[^بنت راشد^]

قصيده جميله

يعطيك العافيه

[AHMED 0000]

شكرا ع الطرح