السلام عليكم
الاخت عاشقة سمعه
ما ادري واعتقد انها موب غريبة على الوحداويين بشكل عام انهم يقولون ويكتبون الكلام ومن ثم يتبرون منه ... ارجعي لمشاركتك واقريها كلمة كلمة بتلاقين انك اتهمتي لعيبةالعين
ثانيا هذا منتدي عام موب خاص والموضوع اللي ينحط متاح للكل يرد عليه وسواء عجبني او ماعجبني الموضوع انا بكيفي ارد او ما ارد ان شاء الله بكلمة وحدة ولك ولغيرك بعد حرية الرد على اللي اكتبه بمعني واضح وصريح .. حرية الرد مكفولة بموجب قوانين المنتدي يا شاطرة
ثالثا بعد اقولك ارجعي لاول مشاركة لك .. الاصليه موب اللي نزلتوها بعد التعديل والتنقيح .. بتلقين انك كتبتي ((( اترا ))) ((( اترا ))) انا كررتها مرتين حتي ابين لك الفرق فى اللهجه موب بالمعني .. ادري ان الكل يقولها (( ترا )) الا اهل الرمس يقولونها (( اترا )) وهذا موب عيب بالعكس انا مثلك رمسي واعتز بلهجة اهل الرمس حالي من حالك واللي قلته موب تأنيب او مطنزة كل الموضوع اني كنت حاب انك تنتبهين للكلام اللي قاعدة تكتبينه وخصوصا وان المنتدي ما شاء الله الكل يشوفه بالامارات .
رابعا وانا هذي اشوفها بداية اعراض نفسية قاعده تصيب كل الوحداوية وخصوصا بعد النتائج الهزيلة لنادي الوحدة ... وبعد اقولكم ردوا لكلامكم اللي تكتبونه وردودكم بتلاقون اخطاء املائية وكلام يدل لي اهتزاز وعدم ثقة بالنفس .. ماشئ حل الا انكم تودرون هالنادي اللي ماياكم من وراه الا صدعه الراس والضغوط النفسية وعليكم بتشجيع الزعيم .. الصراحة فريق يشرح النفس .. الواحد مايحاتي لما يشوفه يلعب وحتي لو انغلب بعد عادي لانه فريق كبير ومكانه بين الكبار يامسرع مايرجع لمستواه موب فريق الوحدة خخخخخخخخخخخخخخخ فريق يقشل بكل معني الكلمة
هاردلكم الهبوط مقدما
سلااااااااااااام
