مرحبا
ملاحظه: مسألة الاستشاره الأدبيه لم تكن غرورا مني ولا تكبرا.. وإنما أجبتك على قدر سؤالك..

إليك رد المجاراه أخوي (حجاج2002)

حي الله مــجــاراة حجـــاج ألفين....واثنين في ساحات الرمس لأخوانه
مني وخـــذ مني يازيــن بيتين.... مني حروف ونقاط شعر بأوزانه
عديت لك أبيات بحول ساعتين....فيها وصوف إنسان مرفوع ميزانه
أثراك تحت البيت حطيت خطين....وعيونك من الغيظ يا خل غرقانه
ثم قلت لي مب زين يا زين ذا شين....متكبر ومغرور والمدح بألوانه
ماقد فهمت القصد من وين أو وين....أو وين هذا القول ووين عنوانه
هذا شعر موزون من قبل حولين....كنت أكتبه والنفس في الجوف شفقانه
كنت أحسب إن الناس يا خل طيبين....والطيبه بين الناس بالحيل مليانه
والعشق يا حجاج من دهر وسنين....ساكن نفوس اللي للحب عطشانه
والحب ما يكفيه في الوصف سطرين.... يامن إذا حبيت لك نفس ولهانه
لاهو حرام وعيب ويبين في العين....والعين بالنظرات تحتار هيمانه
الشعر يا هالناس له ناس فطنين....غيم لفا الألباب بالغيث وأمزانه
والشعر من صوبك حجاج زوين....مابه وزن وحروف الشعر حيرانه
ياحروف شعري يامن بالشعر تعنين....من هو لوزن الشعر ما يوم قد صانه
تبقين لج مقدار في القلب تبقين....تبقين في الخفاق تبقين فرحانه
واسمعني ياحجاج ألفين واثنين....يا من تذوق الشعر ما ترتقي بشانه
اكتب لي بس بيتين وأقول بيتين....موزونة الشطرين كل بيت بألحانه
مابيك تكتب لي في الشعر ألفين....ولا ثمان أبيات ما منهم خانه
وآخر كلامي لك يا خل شطرين....كلمه في بالي دوم يا زين طنانه
إنته وانا من طين وبنرد للطين....وعسى الله يجعلنا من زمرة جنانه

والسموحه على قوة الرد