غياب30 موظف في جلفار للادويه

[روز الامارات]

ضد هذا القانون , والراتب اصلا ضعيف في مصنع الادويه , اذا الراتب يستاهل يمكن بس حرام الواحد وظروفه

[روحي فارس]

عشان مايتغيبون مره ثانيه

[حمـــ^^ــــــورهـ]

محد بيحس بالمعااناه غير الي موجودين بالشركه ..
ممنوع الاكل .. ممنوع الاستراحه .. ممنوع دخوول الحماام ..
ممنوووع و ممنوع و ممنوع .. بس هالممنوعاات مب فالشركه كلها فاقسام معينه بس ..
و ع سالفه الفوون .. اذا صاار شي فالبيت حد مات حد مرض لازم يكوون في وسيله توااصل من بين العامل و اهله .. والله الاهل يتصلوون ع فون الدوام يصكرون بويهم ..
و الغياااب ما كان متفق عليه .. كل شخص وظروفه .. الي عنده عرس .. و الي عنده عزه .. و الي عنده حد مريض .. مب شرط يغيب لانه مريض بس ..
الله يعيين الكل .. و الله ع الظالم .. يوم من الايام بتعرفوون من كان الظالم و منو المظلوم ..

و السموحه منكم ..

[جريحة الصمت]

ابصراحة احترم رايك اخوي مستر..
بس انا يوم قلت بنسأل عن الأهل اقصد نطمن عليهم
تخيل من 7 لين 4 ما انعرف عنهم شي..ووقت البريك مانقدر نتكلم ابد
والربع اقصد الربع إلي ويانا في نفس المكان مانقدر نسولف وياهم..
بس وجهة نظري ووجهة نظر الي يشتغلون بجلفار غير عن وجهة نظرك اخوي
لأنك ماجربت الشي هذا.. والسموحة اخوي..

[اماراتيه والهويه بدون]

طبعـــــــــــا لا يجوز

وماانقول الا حسبي الله ونعم الوكيــــــــل

[اماراتيه والهويه بدون]

انا مع العقاب .. عيل شو سبب غياب 29 شخص , و ثاني شي يمكن هذي سياسة الشركة (هذا رايي)

ليش مع ؟؟؟
مب المفروض تعرف شو سبب غيابهم
واذا على 29 موظف يغيب هذا شي عادي انته تتحرى جلفار بيتنا وبيتكم
واي سياسه هااي اللي بس على قسم واحد في الشركه وليش باقي الاقسام لا
انا مااقول اللي غابوا ما يستاهلون عقاب يستاهلون بس مب لدرجه انهم يخصون عنهم شهر كامل
كل عضو موظف يحط نفسه في هالموقف ويقولنا شو رايه

[فتى جلفار 1]

انا ابا اللي يقول احسن انهم يخصمون منهم
انته ما تعرف ليش السبب
السبب عشان الغياب مب الكل غايب يمكن 6 من يوم واحد والباقي بعد نفس الشي
لو تغيب وتييب مرضيه ما يقبلونه ولو تموت انته هناك ما يطلعونك الا تسير عند اللي اكبر عنهم
لو تبا تسير الحمام لازم تقولهم
لو توقف ويا ربيعك خمس دقائق ما يخلونك
نحنا نداوم من 7 الى 4 والبريك نص ساعه ليش نحنا وين عيشين واذا على الانتاج نحنا نطلع يعني لو تحسبه بالفلوس
نطلع اكثر عن 3 مليون ف اليوم يعني هاا قد رواتبنا ومن زين الراتب كل شهر لازم يكون عندنا خصم على 500 على شو كل هاا
اذا انته مريض وعندك دواء ف السيارة لازم تروح عند مدير شؤون الموظفين تخبرهم انك بتسير السياره اخذ دواء وبعد اللي يدوخون ما يخلونهم يروحون يدخون حتى الاكل بفلوس نحنا ف شركه مب مطعم
على الاقل الشركه لازم توفر لنا الاكل مب ناخذه بفلوسنا
واللي يبا يترقى لازم يكون عنده واسطه


زكل ها مب ضلم وعبد مب كل هااا شي اشياء واااايده ما تعرفونه ف الشركه

[راك 2010]

يستاهلون جي انت ساير مدرسه عشان تغيب

[ماستر بيكر]

اراءكم طيبه وعالراس والعين بس اللي ملاحظه ان البنات متأثرين اكثر عن الشباب !


وبعدين ابي اقول لكم كلمه على ما عتقد ان مدير جلفار امريكي الجنسية وماشي على سيستم معين ويبيكم تمشون عليه عسب ما يكون في انفلات في العمل وبعدين يا هي كثر السوالف ما تخلص المهم ما نخرج عن نطاق الموضوع فالواحد بينصدم يوم يجوف29 عامل بيوم واحد متغيبين ولازم تتأكدون هل من نفس القسم او لا لا وبعدين شي مفاجئ عدد كبير لا يستهان فيه والا رح يتكرر الموقف في حال ما تم اتخاذ اي اجراء مو هيك وخلونا واقعيين وعلى قولتكم اني ما جربت بالعكس انا حاولت وتمنيت اني اداوم هناك بس للاسف ما بغوني وربي وفقني بشغل احسن ومن الساعه 8 لين 6 والحمد لله واسأل الله سبحانه وتعالى يوفق الجميع ويسهل دروبكم ياللي تداوموون في جلفار وتزيد رواتبكم ان شاء الله دائما تأملوا خير واللي صبر سنه ما يضره يوم والسمــــــــــــــــــــــوحه

[قلبي الامارات]

حسبي الله ونعم الوكيل

الله يكون في عونهم على اداره قراقوش الظالمه والمستبده

اداره جلفار قاسيه في التعامل مع موظفيها وقراراتها صارمه

كل ما هو مسموح في الشركات والمصانع في مصنع جلفار هو ممنوع,,,.....

وكما سمعت قبل فتره استدعت المسؤوله عندهم تقريبا عشره موظفين

وقالت لهم اذهبوا لبيوتكم انتوا( مفنشين) ولا ابالغ ان قلت ان بعضهم لا

يعرف السبب في تفنيشه, اما البقيه فلاسباب تافهه مثل,استخدام التيلفون

والواحد اذا غلط يحصل على لفت نظر وانذار مو مره وحده يتفنش

اداره جلفار تعاملهم في رايي الشخصي بهذه القسوه لانهم (بدون)

شافوهم محتاجين للشغل فذلوهم وضغطوا عليهم

واللي يقول ما حد جبرهم يستمرون في شغلهم اقول له ( الحاجه)

لانهم على قدهم ويبون يعيشون ومنهم من حصل له شغله ومنهم ما حصل

بس طلعوا عشان الفكه من الظلم اللي حصلوه,,,,,.....