الله يرحمه .. ويعافي المصاب إنشاء الله ..
بس أنا أقول هالسائق المسكين من وين بيلآقيها وإلا من وين .. يعني هو بيركز بالشارع وإلا بالسياير إللي حوله وإللي بالتحويلات إللي في بعض الشوارع وإلا بالحفر الناتجه عن الأمطار وإلا عن الماشيه المنطلقه في الشوارع إللي بدأت تظهر بشكل متزايد في الأونه الأخيره ..وإلا من الأوادم إللي يعبرون الشوارع بدون إنتباه.. حتى لو كانوا بيعبرون عند خطوط المشاه لآزم ينتبهون لأن صاحب السياره يمكن ما يكون منتبه للخطوط وباالذات بلليل..وفيه من المشاه يكون عنيد ويقول أنا بعبر على الخطوط وهذا من حقي حتى لو كانت السياره مسرعه والسائق هو إللي يتحمل الذنب .. طبعا هذا غير المشاه وبالذات من الجنسيات الأسيويه إللي يعبرون بقصد عشان يموتون .. وعشان أهلهم يآخذون الديه ( التعويض ) ..
وأنا أقول أن هالشي فيه ظلم للسائق المسكين .. طبعا مب في كل الحالات مرات يكون السائق متهور ومتعمد أنه يخوف المشاه ويتسبب بإيذائهم .. والمصيبه الأكبر إذا فعل فعلته وهرب بدون شاهد على الحادث ..
الله يرحمنا برحمته .. ويحفظنا من شرور الحوادث ومخاطر الطريق ..
هذا رايي وشو رايكم أخواني بوجهة نظري ؟؟