اشكر كل من رد على الموضوع ...
واشكر اختي مسك الامارات على مشاركتها بس حبيت اعلق على كلامج عن برنامج زمان لول وعن المذيعين
انتي اعترفتي ان البرنامج حلو انزين كيف تتنتقدين المذيعين وهم اللي عادين البرنامج ..بعدين انتي قلتي انهم ما يبون حد من الكبار معناها انتي ما متابعه البرنامج ...لانج اذا متابعتهم بتسمعين الشخصيات الكبيرة اللي استضافوها من ابا وامهات لهم خبرة بتراث الامارات ككل مو بس راس الخيمة ...بعدين البرنامج ما يهدف تراث راس الخيمة وبس ...انما تراث الامارات والخليج والدول العربية ككل وها اللي لاحظناه من المستمعين من كل الجنسيات ...وها معناه ان البرنامج ممتاز في الاعداد والتقديم والاخراج ...وفي نقطة مهمة انتي قلتي انه وين عيال البلاد عن اذاعة راس الخيمة ..البرنامج من اعداد وتقديم واخراج عيال البلاد ...والا انتي شو شايفتنهم من وين ؟
اختي مسك الامارات ...نحن نفتقد مثل هالبرامج اللي ترجعنا وتذكرنا بماضينا الاصيل ...وانقول محد يسوي هالبرامج ويوم يسوون اتطلعون انتقادات ما لها معنى مثل المذيع والمذيعه من اي امارة ..زين ما قلتي بعد انهم يايبينهم بفيزة ؟؟بالعكس اذا في نقد بيفيد البرنامج هم بيتقبلونه وبيطورون فيه ..لكن انهم من اي امارة فهاي مو حجة لانهم في الاول والاخير اماراتيين ابراهيم من اصل راس الخيمة ان كان عايش في بوظبي ..وحليمة من اصل الشارجة ومن جلبا هم اهل التراث بالشرقية يعني انتي تكلمتي عن شي غريب ..اتمنى ان يكون نقدج للبرنامج في شي يفيدهم ويكون نقد بناء ...وبعدين اختي مسك الامارات مالج حق تجرحين كل المذيعين بالاذاعة وبجنساتهم لانج مثل ما تفتخرين بجنسيتج الاماراتية هم بعد لهم الفخر بجنسيتهم ونحن كلنا عيال ادم وحواء والاهم الكل هدفه واحد خدمة امارتنا وبلادنا ....
وباختصار ماشاء الله البرنامج انا اتابعه من اول حلقة وانتظر كل خميس لانه يوصل المعلومة لنا نحن الصغار بطريقة اتشوقنا
واقول لابراهيم وحليمة والمخرج ابدعتوا والكل يشهد .....وما قصرتوا واقولهم يا ( جبل ما يهزك ريح ) وهالمثل تعلمته من برنامجكم ...وعيبني البرنامج وايد عشان جيه حبيت اكتب عنه عشان الكل يسمعه .....والدليل على نجاح البرنامج انه في متصلين من كل الامارت ...
واتمنى من الكل في المنتدى يسمع البرنامج كل خميس ويكتب رايه وانتقاده ...وحليمة وابراهيم يستحقون منا كلمة شكر وتقدير منا هل راس الخيمة وهل كل الامارات .
واشكرج اختي مسك الامارات مرة ثانية على المشاركة
رد مع اقتباس