بصراحة بنات هذي الأيام مصخوها نص شعرهم قصه على العين وزلوف من الاطراف ومدرج ووقاية نص الشعر والعضاضة على الشعر تقولون سنام بعير والكحال تارس العين وايشدو وروجات وغلوسات ومسكرا ، وين سايرات هذيل لا وبعد طرات فلبس المدرسة لين الركب وسروال ماشي بس هلهوب مخبق ولا بنطلون جنز مرصص ويوم تتصل بوليه الأمر أو ولي الأمر شو يردون نحنا مشتريلهم وهن فمدرسة بنات برايهن ، والقصص الي على العين واللي يلعبن فيها طول الحصص مرة يمين مرة يسار تغيض صراحة المدرسة هالكة عمرها تشرح وتزيد والبنت فوادي ثاني وعقب يلومون المدرسات ليش ارسبت البنت، اتقوا الله في بناتكم هذيل امانة إذا ما تسنعوا وهم صغار شو الفايدة يوم يكبرون ، الله يرحم ايامنا أمهاتنا الله يحفظهن كانوا الحجاب ما يفصخونه عنا لين نرقد وفي المدرسة شعرة ما تطلع جدام حد ، حرام ، الحين ماشي الشعر جدام السواقين والرياييل بيزة عااااااااااادي