أهلين .. مايمر مثل هذا الموضوع لو ماأخش عمري فيه لأني أنقهرت من بعض الردود الصبيانيه واللي تنم عن أقلام وأفكار سطحيه محتاجه لنصيحه وتذكير .. هالعبارات ( أطهر ارض ومادري شوه ) ماينبقي تبقى عالقه بالذهن لليوم وشعب السعوديه من الشعوب العظيمه واللي كلنا نفتخر فيها ونحيها ونحبها وهم حبايبناا وبنو عمنا وجيرانا وأخوانا بالعقيده والدين والنسب والمصير .. يجب ان تصحح بعض المفاهيم المغلوطه .. انته تتكلم عن 20 مليون نسمه شو لو طلع منهم مليون اخلاقهم زفته .. وعندك 19 ماشاء الله ينحطون عالجرح يطيب .. كفايه انهم يسكنون بلاد الحرمين وحماته بوجه الطامعين الحاقدين اللي لو الود ودهم ماظل من هالمساجد ولا قبر النبي صلى الله عليه وسلم شي .. فياجماعه قبل الواحد مايتكلم ولا يكتب يتذكر أنه الله رقيب عليه ومسجل كل شي يكتبه .. وين انته من قولك انه شعب المملكه انجاس ..أغتبت هذا العدد كله !! تقدر على هذا الذنب !! تراه بذمتك .. توب الى الله واستغفر لذنبك والكلام هذا كبير عليك ولاتغرك بعض شعارات الرافضه والحاقدين ,, خلك على الحق والصواب وفكر بعقلك .. شو لو وحده منهم انحرفت عن الجاده بفعل الشيطان .. خلاص صار الشعب اللي منهم المشايخ والعلماء اللي حفظو لنا الدين وأفنوا عمارهم في التعليم والذب عن العقيده وحمايتها بوجه البدع والضلالات ..راجع نفسك يالحبيب قبل مايي يوم ماينفع فيه الندم ..
أرجو من الاداره التنبه لهذي الألفاظ العنصريه البغيضه .. (( دعوها فأنها منتنه )) ..