و يستمر مسلسل زرع المطبات في الرمس

[العتيبي]

[align=center]السلام عليكم و الرحمه

و يستمر مسلسل زرع المطبات في الرمس .. !!

لم نستفق من مسلسل زراعة مطبتين عند مسجد الكليب و في الشارع المقابل

في هذا الموضوع السابق .. http://www.alrams.net/forum/showthread.php?t=4634

حتى وجدناهم يزرعون 3 مطبات جديده عند زاوية النادي و مدرسة الرؤية ..

و أترككم مع الصور









اهنيه نهاية الشارع يعني القادمون إجباري يخفضون من سرعتهم لأخذ يمين ام يسار .. فهل هناك داعي لوضع مطبه ..؟؟



و السؤال يطرح نفسه .. : لماذا نضع هذه المطبات في كل شارع من شوارع الرمس .. ؟؟ هل هي لتسهيل الحركة ام لعرقلتها ..؟؟


العتيبي[/align]

[Just_me]

يا ريال مب ثلاث كملوها اربعة الحين

ذبحوناوالله شكلنا كل يوم بنبدل سفايف

الله يعين بس

[Silence]

بالعكس !!
التقاطع يحتاج لهذه المطبات وبشده !
مدرسه .. منازل ... مرور حافلات الجامعه !

اهنيه نهاية الشارع يعني القادمون إجباري يخفضون من سرعتهم لأخذ يمين ام يسار .. فهل هناك داعي لوضع مطبه ..؟؟

أكثر من حادث حدث في هذا التقاطع بسبب السرعه وعدم الأكتراث بالشارع الأخر !

و السؤال يطرح نفسه .. : لماذا نضع هذه المطبات في كل شارع من شوارع الرمس .. ؟؟ هل هي لتسهيل الحركة ام لعرقلتها ..؟؟

لتسهيل الحركه .. سرعات زائده أستهتار أطفال يقودون بلا رخص وبتهور .. أذن لابد من هذه المطبات لضمان السلامه




المطبات ظاهره صحيه

[عاشق سمعه]

انا اعتقد ان زراعة المطبات بكثره راح تعرقل حركة السير
بس الصراحه نحن عدنا بالرمس لازم لان الشباب الله يهديهم يسوقون بسرعه داخل الفرجان وكل بيت عنده ياهل يلعب عند الباب لاسمح الله دعمه ولا داسه
انا اطالب بزرع المطبات ولكن ليس بكثره
مشكور اخوي العتيبي على الموضوع ..

[الشاكي83]

بكل صراحه انا من المؤيدين للمطبات وخاصة بالفرجان وذلك لاسباب عديده

اولها: لان هناك شباب مستهترين وخاصه الي ما عندهم لياسن او حتى الي عندهم ينسون انهم داخل فريج ويتحرون عمرهم في شارع الامارات وخاصتا انهم بعيدين عن عيون الدوريات ويعرفون وين يتخشخشون اذا شافتهم الدوريه

ثانيا : في اطفال يلعبون امام البيوت سواء بالدراجات الهوائيه او يتراكضون ورى بعض واذا كانت سياره يايه مسرعه ويتفاجئ باحد الاطفال بنيلس نصيح عقب ونقول ياريت ويا ريت وبعدين ما يفيد الندم والصياح

ثالثا : في سائقي حافلات ( باصات المدارس) الظهر من التعب يبغي يخلص ويروح البيت بسرعه فما يحاسب لا على لفه ولا دخلت شارع فيوم يشوف المطبه غصب عنه يخفف

والمطبات وضعت لمصلحتنا وما فيها مضره الي منزل موتره يرفعه عسب لا تندق المكينه من تحت ههههههههههه

انا هذا رايي بكل صراحه وكل واحد حر برايه والسموووووحه

[Her Highness]

لين متى بنتم ع هالحال كل يوم واحد اتفلسف وحط كم مطبه


اذا عندكم يهال خل يلعبون داخل البيت كلنا عندنا يهال بس ماسوينا مطبات جدام بيوتنا


المفروض المطبات ماتحطها الا البلديه مب اي واحد منه والدرب يا وحط مطبه جدام بيته



واذا بتحطون حطو بشكل معقول مب 3 واربع مطبات بالشارع الواحد



الواحد تلوع جبده من كثرتها ويكره الساعه اللي فكر انه يظهر من البيت



برايي مااتوقع ان المطبات رادع للشباب من السرعه


اللي براسه شي بيسويه لو شو حطوا جدامه

[xxdxx]

أنا أيد هذي المطبة بالذات لانها تنظم السير لكن بقية المطبات في الشوارع الثانية ما لها داعي

[ملك بدون مملكه]

موقعها مناسب جدا ........

شكرا على الخبر ...

[قلم رصاص]

أتمنى في كل التقاطعات الموجودة بالرمس تنزرع هالمطبات .. لانه الصراحة أغلبية شباب الرمس يسوقون بسرعة خيالية..
وماشي حل غير هالمطبات ..
و الاشارة الضوئية في الطريق عيل شو بتسوون ..

[بو حمد]

موقع هالمطبة صح

انا اول تذمرت منهااا

بس لما فكرت فيها صح لقيت ان هالتقااطع تحديدا بعد ما تم اغلاااق مدخل الرمس الرئيسي

صار الناااس كلهم عليييه

يعني يحتااي له شي ينظم حركة السير فيييه

تسلموون والله ياللي حطيتوا هالمطبة بالذات

و شكرا