السلام عليكم ورحمة الله وبركاته

حلمت اليوم الصبح ان بنت عمي الله يرزقها بنت ..للعلم [ بعدها حامل ماتولد هالشهور]
وشفتني أسير عندها رغم ان بالواقع القلوب مب مصافيه ..وأشوفني أسألها اقولها
كيف تربين الحين وانتي بعدها ولادج ومن هالأسئله وكيف بتكملين الجامعه ..وأشوفها راضيه بالبنت رغم
ان بالواقع تبا الله يرزقها ولد ...وأشوف بنفس الحلم تقويمي الي بسناني يتساقط
وأقول لأمي تقومي طاح شوفي ..يوم أسير أشوفه عند المنظره [ المرأه ] أشوف
أسناني السفليه الأماميه الأربعه محد ..[بالواقع انا مركبه تقويم لأسناني]
بس أسناني ماشفتها يوم هيه تتساقط ماشفت بيدي يتساقط غير حديد التقويم
وبنفس الحلم أشوفني شريت ثلاث فستاتين أطفال لأبنة خالتي التي لاتتجاوز من العمر
4 سنوات ونص وكنت مشوقه بالحلم على راي خالتي بالبفساتين عجبنها او لاء
وأشوف خالتي شاريه ملابس نونوات حق البيبي المنتظر لها ويالسه تراوينا شو شرت..
وأشوف أيضا أخي رحمه الله متضايق ومريض ..رغم ان أخي متوفي من سنه ونصف بمرض
ألزمه الفراش شهرين

يعطيكم العافيه