شرطة رأس الخيمة تحذر من زيادة تظليل زجاج السيارات عن نسبة 30%

[كابولي]

الله الكريم

[بنت الخاطرى]

نسبة 50% حق ناس وناس
في رأس الخيمة كل شيئ واسطة
عندك واسطة أمورك بتركض

[بو فيصل]

[align=center]سبحان الله !!

اذا المخفي له كل هذه الاضرار ليش سيارات التحريات وبعض سيارات المؤسسات العقابية وسيارات عدد من المسؤولين عليها مخفي70% ؟؟

اذا هناك عذر لسيارت التحريات او المؤسسات العقابية خلهم يحطون المخفي 100% بس على الزجاج خلف السائق مب كل السيارة !!

كذلك المخفي انواع وياللي بنسبة 50% له نوعين خفيف وتقيل خلهم يسمحون بالخفيف وهو افضل بكثير من الثقيل لو صحيح انه للمخفي اضرار مع العلم أنه الخفيف اغلبه مخفي حراري وافضل عن المخفي بنسبة 30% !!

بس الصراحة لو شي سائق عنده تقرير طبي انه يعاني من امراض جلدية أو غيرها بسبب الشمس فأن المرور ما يقصرون ويعطونه تصريح مخفي 50% وهذه معلومة متأكد منها !!!

ولو أنه المخفي ممنوع بهذه النسب ليش مسموح بادخاله للدولة وبيعه بمحلات زينة السيارات ؟

الله المستعان ....[/align]

[بنت راك 80]

حتى الحريم مسموح لهم بس 30%
والله حرام مرات نمشي والشمس ضاربه في عيونا كيف تبونا نسوق مانشوف لازم المخفي
ارحمونا عاد لو بس اتخلونه 50%

[TOY STORY]

يوم بيشلون الضباط عن مواترهم ومواتر دريوليتهم هاذيج الساعه الكل بيتقيد والقرار بيسري عالكل .. يطوف عليك موتر الضابط أتقول مركب جلاد مب مخفي .. وثانيا ال 30 شو تسوي الحين بوقت هاللسعه الحاميه .. الساعه 10 الصبح الحراره تحرق اتقول جهنم .. وين يوم بندخل شهر 6 و 7 !! وينك يمكتب السفريات تذكرتين لو سمحت لبمبي .

[السامعيه]

[align=center]
مخفي سيارتي 50% ولا افكر اغيره والاسباب: 1- حر وشمس يصدع الراس جربت مره اسوق سياره مخفي خفيف وكنت اسوقها الظهر والله صدعه شمس حتى الاستيعاب في السواقه ماقدرت ووصلت البيت مصدعه ..
2- تحرشات الشباب.... المخفي يصعب على الشباب يركزون شو داخل السياره اذا المخفي 70% وعينهم تزايغ وعيل اذا حطينا 30% شو بيسون ؟؟؟؟؟؟
3- مثل ماقال قلب من ذهب سيارات التحريات وبعض سيارات المؤسسات العقابية وسيارات عدد من المسؤولين عليها مخفي70% ؟؟
ليكون هم عندهم فصل صيف ويحرون ويحترقون حر ...اما نحن ميتين برد وعندنا فصل شتاء ولا عايشن في دول اوروربا البارده..
انا ماشجع المخفي الثقيل على الاقل يسمحون 50%
ولا نروح ندور واسطه؟؟؟؟؟



[/align]

[%غمـــازة%]

[align=center]
[align=center]


سفير ركبلي بعد شسمه عاكـس بس مب سلفر ابى نفس لون سيارتي



و المخالفة بتهمك انت بتركيبه


[/align]
[/align]

[مهيري وافتخر]

لا والله ونحنا شو نسوي ورانا خطوط فهالحر ...
ما قول غير الله يسامحهم .... ومعروف ليش يسووون جيه بس عشان يمزرون المخبا ...

[زهــور الشــوق]

والله كانه مب مركبين مخفي عيل 30 % عاااااااااد

والله محد بيتقيد

[دمعة غلا]

لا ماعتقد طبقوا هالقرار ؛ لأني حاطة ٥٠% وجدام حاطة شمسية وماعندي واسطة وكل يوم الصبح في طريجي في شرطه تفتيش والحمدلله ولا مرة خالفوني