1- بصراحه مطلقه ما رأيك بالموقف المذكور بالقصه من جميع الابعاد؟
برايي الغلط من الحرمه فالدرجه الاولى وعقب من ريلها
صح هي عروس ومن حق كل عروس تكشخ وتكون حلوه دووووم فعين ريلها بس اللي مب حلووو
ان الجمال والكشخ لكل من هب ودب
والمفروض من ريلها يوصل الها معلومه بطريقه واسلوب يبين الها فيه ان اللي تسويه غلط وان من حبه
وغيرته عليها مايبا حد يشوفها مايكون شاااااااااد وياها ولا راخي
2- هل تعتقد ان الرجل المتمسك بدينه وعاداته وتقاليده متخلف او معقد؟
لا طبعا بالعكس اللي يرضي ربه عمره ما كان معقد ولا متخلف المتخلف اللي يركض لجهنم بريله
3- هل تتمنين ان ترتبطي بشخص متمسك بعاداته وتقاليده وما السبب؟
طبعا لان بحس بقيمتي وغلاتي
بعطيك مثال
لو رحت تشتري ساعه غاليه وفيها الماس اول شي يوم تبا تشوفها اللي بيراويك اياها بيلبس قفاز
وبيحطها فمكان امن ونظيف وبيقفل عليها بعد و يوم بتشتريها البوكس بروحه تقول خـــــزنه مب بوكس ويوم بتلبسها مابتلبسها فاي وقت ومابتحطها فاي مكان وبتحافظ عليها ع قد ماتقدر
اما لو خذت ساعه عاديه ورخيصه لو ضاعت او اختربت ما بتهتم لانها مب غاليه وبتفرها وبتروح عنها ويوم بتشتريها عادي تكون مغبره لا وبعد البطاريه مفضيه
غيرت الريال ع حرمته تبين انها غاليه عليه والغالي مايطلع للكل ويحافظ عليه حتى من الهواء والمكان والحمد الله
الله يعطي كل انسان ع قد نيته
4- هل اصبح مثل هاؤلاء الذين يعتبرون الشخص المتمسك بعاداته معقدآ كثرآ وما السبب برأيك؟
مافي نسبه محدده كل شخص حسب تفكيره وتجاربه فالحياه وتربيته وعمره
5- ما منظورك للشخص المتمسك بدينه وعاداته وتقاليده؟
طبعا يكبر فعيني بس ما يكون متشدد وااايد
الاعتدال حلو بكل شي
6- هل للمسلسلات والقنوات الفضائيه دور كبير في ذلك؟
بالنسبه لي مالها دور كبير بس بالنسبه للمراهقين اكيد تأثر فشخصياتهم وفتكوينها
7- نصيحه تقدمعها لانصاف الرجال؟
الغيره خصله وصفه حلوه والمفروض كل شي يغار ويحافظ ع عرضه وعرض اهله
مايكون متشدد واااااااااايد ولا يكون فري لاخر درجه
اهم شي ان الواحد يكون ملتـزم
8- نصيحه تقدمها للبنت التي حب الشخص المتحظر الذي في نظري انه من باع رجولته ب كلمه التحظر؟
اعتقد ان البنت اللي تحب هالنوع من الرياييل تكون مراهقه وتفكيرها محدود وفيها نقص وتبا اطلع هالنقص
9- كلمة تريد ان تقولها للاعضاء؟
اقول للبنات حافظوا ع عمراكم والنصيب مابيي من الوان ع الويه وطلعات ومولات والشباب اللي ايي بسهوله بتستغنى عنه بسهوله
واهم شي الواحد يحافظ ع صلاته وعبادته لانهم يغنون عن كل شي
تسلم اخوي ع الموضوع الحلو
لي الشرف يكون ردي اول رد ع موضوعك
السمووووحه يمكن ماعطيت الموضوع حقه
نتريا يديك
رد مع اقتباس