وعليكم السلام ورحمة الله وبركاته

بصراحة موضوعك موضوع لو تكلمنا فيه ماراح نخلص من النقاش أخوي إنت إلي شفته بالمول تراه ولاشيء خاصة بأمور شهر العسل الشباب والبنات ما أدري شو يصير فيهم هذي داخل البلاد برع البلاد أنا شفتهم لاعباية ولا شيلة ليش يافلانة زوجي طلب هالشيء وانا لازم أطيعه قلت لها لاطاعة في معصية الخالق ردت حرية شخصية شو صار بمجتمعنا شبابنا يبغون الجمال لما البنت تكون طالعة بالمكياج والشعر برع هذي جميلة ويتباهون فيها جدام ربعهم الغيرة انعدمت بهالزمن ما قول كل الشباب للحين شبابنا فيهم الخير بس هذا الحاصل أنا بتكلم عن تجربة صارت لي وأتمنى كل بنت تستفيد منها أنا تزوجت من 4سنوات وللأسف اختياري كان غلط زواج أهل أنا ما أعرف الولد بس الكل شكر عليه قلت بتوكل على الله إنسان طيب ماقصر معاي بالبداية بس مشكلتنا بالتوافق الفكري الغيرة معدومة عنده قلت أمور البيت علي حتى لو اخترب شيء ما بيتصلح لو يه عامل البيت يصلح طلع وخلاني مع العامل ليش يرد عادي هندي ليش مب ريال لو قلت له وين رجولتك قال ريال وين الرجولة لما تخلي زوجتك مع عامل وتسهر للفجر برع البيت هذي رجولة الحمد لله الله مارزقنا بعيال بسبب منه مع ذلك صبرت وعمري ما دخلت أهلي بالمشاكل صبرت وتحملت وكانو اهلي يشوفون معاملته لي أسلوب الحوار عنده غير حضاري تحملت ما امدح نفسي بس سبحان الله أنا طالعة مثل حريم أول المهم عندي أوفي حقوق الزوج لو حقوقي ضايعة بس اجري عند الله صار لي موقف معاه عرفت قيمتي عنده أخوي توفى بحادث سيارة توقعته أول واحد يوقف معاي للأسف سافر وخلاني عشان وناسته حتى العزا ماكلف على نفسه سبحان الله من هالموقف رب العالمين نزعه من قلبي كنت دايما بصلاتي ادعي ربي إن الله يفرج همي لين الحمد لله انفصلنا من بعض. مشكلتنا إنه مافي توافق فكري هو بعيد عن رب العالمين ويبغي حياة الفري ليش انا ما كنت اوافقه بوايد امور كان يخوني مع غيري صدقوني يابنات لا تبحثون عن جمال الرجل الخارجي ابحثو عن جماله الداخلي ..
والبنت لازم تكون بكل مكان له محتشمه مثل عملج والسوق مايبي هالمكياج كله عندكم الأعراس والمناسبات الخاصة برزو جمالكم فيها الريال إذا يبيج يبيج على طبيعتج مافي احلى من الجمال الطبيعي .. والسموحة
(( اللهم أجرني في مصيبتي وأخلفني خيرا من بعده ))
الله يهدي أمة محمد .. وسامحني على الإطالة بالموضوع