السلام عليكم ورحمة اللـَّہ وبركاته
حلمت اليوم الخميس 27 / 5 / 2010
حلمت انـي فـي سيارة اخوي معتصم كَنُتً قااعدة ورى آنـََـا واختي وفاء واخي معتصم يقود السيارة وبجانبه اخوتي احمد ومحمود؟
ووقف معتصم عند مطعم أو كافتيريا وطلب منْ اخوي احمد ينزل يشتريله سندويجة وانا قلت آبيّ نقانق ورجع احمد بالسندويجة وقالي ماعنده نقانق قلتله زين جان خبرتني اغير طلبيتي ابغي شاورما لگنْ محد راح وطلع سيارته ومشى معتصم وانا بخاطري فـي السندويجة ويوم لف علـى الدوار قلتله انتہ لَوُّ مرتك گآنّ فـي خاطرها سندويجة مابتشتريلها اياها؟ وسكتتْ ماقال شي؟
عقب وقفنا فـي مكان انتظار ولمحت منْ الدريشه حّـًِـُبيـْـبيَ محمد وكان يطالعني وانا اطالعه وتلاقت نظراتنا ثواني عقب استحيت ونزلت عيونـي وانا ابتسم وبعدين كأنه صَآر فـي إيدي صورة ألبوم أناشيد وكان لون الغلاف اصفر وتحت مكتوب قائمة الأناشيد وفوق الايطار صورة حّـًِـُبيـْـبيَ محمد وكان بصورة رجل اسطوري متوسط العمر وملتحي وشافته اختي وفاء وسألتني منو هذا قلتلها هذا واحد منشد ٌ ( وكنت مَآ آبيّ اخبرها انه حمود ) وقلتلها شفتي شكله اسطوري وكأنه رجل منْ القرون الوسطى قآإلتٌ هيه وعقب غيرت الموضوع !
وبعدين حلمت وكأني فـي محل وكنت ابغي اشتري كيمرة تصوير والهندي سوالي دعاية اشتري الكيمرة واحصل معاه علـى تلفون بيت كلاسيكي لونه أخضر وحوض سمك وقلت لاختي عايدة آنـََـا عندي حوض سمك بالحجرة مابحتاج حوض نفسه ونسخه منه؟ أما التلفون الاخضر للأسف ماعندي نقطة لبلك التلفون فـي حجرتي عشان احط واير التلفون! بس أظن بشتري الكيمرة فقط! والهندي لما اكتشف انـي مابغي عروضه كلها طنشني ولا عاد اتصل فيـني يخبرني متى بيوصل طلبي؟! !
ما تفسيركم يآ رعاكم الله؟
وجزاكم اللـَّہ خيراً
