السلام عليكم ورحمه الله وبركاته
حاط لكم 32 سؤال بس...
شويه عااااااادي كثر وخذ راحتك بعد ...
وان شالله تعجبكم ولكم حريه الأجابه وترك الي ما يناسبكم
1- كم رقم ترتيبك في الأسرة؟
اكبر وحده >> البجر يعني
2- من هو الاقرب لك من أعضاء أسرتك؟
اخوي وابوي
3- حدد أهم الأمور التي تقوم فيها وانت في البيت؟
احن ع راس امي لين ماتخليني اظهر ههههههههههه
واقعد وياها اخبل فيها شوي
4- ماهو الطلب الملح الذي تطمع به من أسرتك ولم يتحقق حتى الآن؟
اممممم في شي بس مااقدر اقوله و ان شاء الله السنه اليايه بخلص جامعه وابا اكمل بالخارج بس الوالده رافضه الفكره
5- ماهي الوظيفة التي تتمناها لنفسك؟
الحمد الله اللي بغيته وتمنيته ربي وفقني وان شاء الله من اتخرج بشتغل فالمجال اللي احبه واباه
6- حدد نوع سيارتك
المفضلة ؟
البورش
7- مكان يعجبك كثيرا وتتردد عليه دائما؟
المكان اللي يعيبني هو ورا السكان وانا اسوق
8-ماذا تمثل الصداقة بالنسبة لك؟
اهم شي فالحياه
9- أقرب الاصدقاء الى قلبك ؟
ربيعتي
10-مـــــن يطـــــربك ؟
محد
11-مالذي يشعرك بأكثر قدر من الحرج ؟
امممممم اذا حد طلب مني شي وماقدرت انفذ هالطلب
12-شخص تحتاج لقربه الآن منك ؟؟
ماماتي
13-متى تغضب ؟
اذا حد فهم كلامي عكس مااقصد
14-أعظم شيء فقدته ؟
يدتي الله يرحمها ويغفر الها
15-أعظم جرح دفنته ؟
انصدمت بشخص غاااااالي علي
16-دعوه صادقه من اعماق قلبك لمن تهديها ؟
الله يرحم يدتي ويغفر الها ومثواها الجنه ان شاء الله
17-هل انت مزاجي؟
مرات
18-هل انت معقد؟
الحمد الله لا مااعتقد
19-هل تشعر بالملل؟
مرات اذا كنت بروحي وماعندي شي اسويه
20-تحس بالظلم؟
مرات هيه اذا كنت اعرف ان شخص ظلمني وانا ساكته لان كلامي راح يجرح هالشخص وانا مااحب اجرح حد
21-هل انت غيور؟
ع الناس اللي احبهم وقريبين مني غيووره واااااايد
22-ما هو رقمك المفضل بين 1 و10 ؟
4
23-ما هو أكثر يوم تحبه في الأسبوع؟
الخميس
24- مدرس لازال في ذاكرتك .. ولماذا؟
مدرسه العربي الله يذكرها بالخير غيرت وايد اشياء في حياتي
25- مواد دراسية تحبها
كثيرا ؟
بصراحه كنت اكره المدرسه واااااااايد والسبه ناااااس الله يسامحهم
كنت احب المواد العلميه واكثرهم الاحياء والكيمياء
26- مواد دراسية تكرهها كثيرا؟
العربي
27- حدد بالضبط موقع جلوسك في الفصل ذا كنت طالب طبعا ؟
ايام المدارس كنت اقعد اول وحده جدام طاوله الابله
28- ماهي احب المراحل الدراسية الى نفسك؟
الثنويه
29- ماهو ابرز عقاب مر عليك طوال فترةحياتك وباي سنه؟
اممممم مافي شي فبالي لاني قبل الجامعه كنت هاااديه مالي حس
30- هل حصلت على شهادات تميز خاصة وفي أي سنة؟
اكبر شهاده تميز فحياتي اني ثبت للكل اني قد التحدي ودخلت تخصص الكل يتمناه وبينت اني قده
31- سنة دراسية تعد هي الأجمل في حياتك؟
اول وثاني ثنوي
32- موقف محرج حدث لك في المدرسةأو لوظيفه ؟
هالموقف عمري ماراح انساه لما كنت بروح ثاني ثنوي المدرسات حضراتهم متفلسفات وحاطين اسمي فالادبي وانا ابا علمي
خذت اغراضي و قعدت فكلاس العلمي وخذت كتب العلمي جان تقولي وحده من المدرسات وهي من اهلي جدام كل البنات
مكانج مب هنيه مكانج فالابي طنشتها ورديت البيت ميته من الصياح وفالنهايه سويت اللي اباه ودخلت علمي غصبا عن الكل
صح فالبدايه انحرجت بس العبره فالنهايه وانا وين وصلت وشو حققت فحياتي وغيري ووين وصل...
السموووحه طولت واااااااايد
ويسلمووو ع الموضوع
رد مع اقتباس