السلام عليكم ورحمة الله وبركاته،،
معلومات عني :
أنثى ، عزباء ، 23 سنة
الحلم اليوم الجمعة 25-6-2010
حلمت بأنني انا وأفراد اسرتي ذهبنا لرحلة في الجبال ، الرحلة عائلية يعني قوم عمي وعمتي وعيالهم ...الخ
وكان أبوي يسوق السيارة - وهي سيارتي من نوع كامري 99 وفي الواقع منهد حيلها يعني مانروم نوديها صوب الجبال ، المهم ويوم وصلنا المكان كنا فوق بالسيارة وجفنا تحت ناس يالسين على اساس انهم الاهل ، المهم المسافة شوي كانت بعيدة فأبوي نزل السيارة تحت بصعوبة ، ووصلنا المكان ، بس الاغلبية كانوا موقفين سياراتهم فوق مع انها فورويل ، واتذكر فقط نوع واحد من السيارات وهي اف جي سوده مال ولد خالة ابوي ، المهم تحت كأني اشوف شرات الكهف بس يشبه البيت شي غرف وبيبان بنية خشب ، اتذكر شفت 3 بيبان تقريبا وكل ما افتح باب اشوف ناس اعرفهم بس مش من العايلة ، وهن نساء كبيرات في السن المهم ماعجبني الوضع قلت خلني ارجع البيت سرت صوب السيارة ما حصلت ابوي ، ما أدري وين اختفى ، وكانت في اللحظات اختي اللي عمرها 11 سنة وياي ، المهم قررت آخذ اختي ونسير روحنا البيت ركبت سيارتي وشغلتها بس حسيت اني ماروم اصعد الجبل كأنه استوى على شكل مستقيم وألقيت نظرة في كل الاتجاهات حسيت عمري في مكان على شكل مربع ، بعدين شفت زوج عمتي من بعيد ، طرشت اختي تزقره عسب يساعدنا نطلع السيارة ل فوق ، المهم يا صوبنا واستغرب قال كيف نزلتوا السيارة اصلا ، وهي صعب انها تطلع من هالمكان إلا سيارة رافعة تيي وترفعها لفوق ، المهم قالنا انتوا توكلوا على الله وامشوا لفوق واركبوا مع اي حد وارجعوا البيت وانا بشوف بدور سيارة رافعة عسب ترفع السيارة وتييبها يوم الجمعة (على اساس الرحلة بالخميس) المهم هو روح عنا ، انا كنت مصرة اودي موتري كنت احاتي الدوام يوم الاحد كيف بسير ، المهم لقيت جارنا ريال كبير في السن كلمته عسب يساعدني اصعد الموتر هو قالي نفس كلام ريل عمتي قال لازم رافعة ، بس قال هو عنده رافعة وقالي اتريوا بسير بييبها وانا عرضت عليه مبلغ 1000 درهم مقابل المساعدة هو ابتسم وراح ، والوقت استوى قريب المغرب ونشيت من حلمي على صوت المنبه وكان الفجر يأذن
معلومات اضافية : هالايام قوم اهلي بينتقلون مؤقت في بيتنا ال2 في امارة ثانية ، وانا بتم بيت يدتي لأن دوامي هني في راك ، بس كله افكر في الموضوع وشاغل بالي واحس اني مابرتاح من غيرهم ،
