والله كل شي براس الخيمه غلط اعتقد مب يايبين مهندسين يمكن يايبين ناس بأجور رخيييييييصه

عشان يوفرون البيزات , وهاذي سياسة راس الخيمه للاسف . وبسبب هاذي السياسه نعاني اليوم

ما نعانيه ، ومب بس صناديق القمامه .

أمسات ساير سوبرماركت التلال السبع لو تعرفونه عند تقاطع مستشفى سيف بن غباش . وعاد

شوفو صندوق البريد اللي محطينه جدام السوبرماركت . محطينه في مكان يحتاج اني اصوره لكم

وانزله هني ، يعني لو السياره رجعت ريوس بتدعمه .

وتعرفون شو سبب هاذي الاخطاء ’ الاتكال على الغير بمعنى الهنود .

ننتقل لموضوع ثاني , في بعض المسميات اللي في منطقتنا

يوم اشوفها مكتوبه عاللوحه مثلا

يكون اسم المنطقه بالكتابه خطأ .

هني تدرون شو السبب الاتكال على اخوانا العرب اللي هم

بالاساس ما يعرفون اسماء المناطق وانا

ما الومهم .

شي يربطنا بنفس الموضوع سرت مناطق في سلطنة

عمان أسماء المناطق مكتوبه بالظبط مافي

اي اخطاء املائيه تدرون ليش ؟ لان اهل البلاد هم اللي

مكلفين في كتابة اللوح مع وضع الاسم كما هو .


اسمحولي طولت عليكم لكن عاد لازم انوضح بعض الامور