المشاركة الأصلية كتبت بواسطة مرجانه
السلام عليكم ورحمة الله وبركاته
حلمت اليوم الجمعه : 25 / 6 / 2010
حلمْت انّي اتمشّى في مول مع اخواني ... اللي اصغر منّي واختي بعد ... وفجأة صارت زحمة غريـبه والممرّات ضاقت
وصرنا ما نلقى مكان نخطي فيه خطوه وتلاصقنا كلنا بطابور ورى بعض من كثر الزحام والضيق، وانا على اساس اني أمشي
ورى اخواني ومتمسكه في ظهر واحد منهم، ولاحظت عقب اني حاضنه ظهره كلها وكأني مرتاحه بحضني ظهره وراقده
بعدين انتبهت وفتحت عيوني لقيت اني حاضنه شخص مو اخوي؟ كان شخص غريب وهو ساكت ما قال شي رغم اني كنت
محتضنه ظهره وراقده عليه ... كان لابس كندورة زرقا ولونه اشوي مايل للسمره ... بعدين اختفى الزحام فجأه
وشفت الريال كان منزل راسه وساكت وكان واقف ورى اخواني وانا وراه بعدين طاحت عباتي والشيله ورحت اركض الناس شافوني
واانا اركض لقسم نسائي ... وكنت مضيعه شنطة ايدي .. وقلت للسيكيورتي وكانوا كلهم حريم وين شنطتي شفتيها؟
قالت انتي اللي مضيعه هالشنطه وشفت شنطتي وهي ماركة فندي ... قلتلها هيه هذي شنطتي واخذتها بسرعه وقلتلها ابي اعدل شيلتي وعباتي قالت عدليها هني ماشي مكان داخل قلتلها شي مصلّى قالت ايوه من هناك، ورحت للمصلّى ودخلت على طول اعدّل شيلتي وعباتي بعدين قعدت وكنت فاصخه الشيله ومبيّن شعري مسوّتنه جدايل .. جديلتين ... ( رغم اني ف الواقع ماحب اعقّص شعري) ... وكنت اجيّك ع اغراض شنطتي ووحده من المصلّى كانت تقرى قرآن وزاعقت علي قالتي مرجااااااااااااااااااانه انتي شو فيج ترمسين وما اتجوفيني اقرى قرآن !!! وانا استغربت من وقاحتها واسلوبها!! وسكتت ما قلت شي !! بعدين يت وحده بنت سمرا ...
متينه اشوي ... وقرّبت صوبي قالتلي انتي مرجانه؟ قلتلها هيه قالت شعرج مااااااشاءالله ناعم وقعدت تمسح ع شعري وانا اضّايجت ما حبيت الكل ينتبه لها ويجوفني!! هالشي يحجرني!! وهي تقولي مااااااشاءالله ناعم وااايد وعيونها مبققه ع شعري وكأنها مستغربه ؟
او كانها تعرفني من زمان بس ما شافت شعري بهالنعومه من قبل؟؟ وهو مجدّل!!
بس انتهى الحلم هني ..
واتمنى يكون تفسيره خير ..
شيخي بغيت اذكّرك حلمي بالخاص انت ما فسّرته للحين؟؟ ابغي اعرف تفسيره ربي يحفظك ويحميك
ويزاكم الله خير
طلبت منك في ما سبق قراءة سورة البقرة لمدة 40 يوماً بشكل يومي لمعرفة اسباب هذه الاحلام المزعجة او المحرجة في تكرارها وكثرة عناصرها ورموزها المتشابهه وهذا لما وجدته من بعض الامور الغريبة التي هي بحاجة للمعالجة والتداوي منها حفظاً لك وعنايةً بك ولمصلحتك الشخصية !!
ارجو اعتبار ذلك نصيحة من اخ لاخته !!
ضوابط المشاركة
