~ شـو ماشي شغ ـله أخ ـذ بنت منتديـات .. }

[اكليل الجبل]

الله يهديكم بس

الحينه البنت بس في المنتديات اتسولف

الي اشوفه بنت فلان او زوجة فلان كلهن سوى

بالدوام او حتى في المدارس مع الموجهين او أولياء الامور او الحارس او غيره

مدام الريال الي جدامها ما يعرفها تأخذ راحتها بارمسه

أو بالاصح تتعود يصير الامر عاادي شرات الرياايل اذا اشتغلوا مع الحرييم

هذا الواقع ما يبت شيء من عندي

الدنيا صارت فوضى

[الطنيجيه]

بصراحه هب صاحي يعني اوكي شوف اول شي ردها فالمنتديات و عقب تعال احكم عليها

يعني معقوله بس لأنها تدخل منتدى ودرها جي بنات الناس لعبه وانا ما ادري

بصراحه المنتدى مثل بيت و الكل فيه اخوان وها الشي لازم الكل يحط فباله

و ألي يتحسب انه مجرد مكان لتعارف ها صدق جاهل و السموحه

تسلمين خيتوه على طرحج

تقبلي مروري .. اختكم الطنيجيه ..

[الزهره]

[align=center]
السلام عليكم ورحمه الله وبركاته
الغلط من البداية كان يوم الريال قال لربيعه وربيعه قال نكها هاي اول غلطة هاي كبيرة كيف يرمس عنها أكيد الريال
مابياخذ وحده ريال يعرف نكها .
والغلط الثاني منوه بيرضى حرمته تلعب ويا شباب وترد عليهم أوكي ترد بمواضيع وبأسلوب راقي صح
أنا أعرف ان كل البنات فهالزمن يدخلن منتديات بس كل وحده تحافظ على عمرها
أحس ان هالبنت غلظت بحقها وأخو ربيعتها بعد
[/align]

[فضائي]

يقوله هاي ربيعت اختي واختي قـآلت لـي أنهـآ فلآنه بنت فلآن
قـآله : تعال ندخل المنتدى اذا مب مصدق !
المهم دشو المنتدى و تأكــد أنهـآ تشارك وتلعب ويا فلان وعلان . .

عجيبة !!! و ليش البنيات يخبرون اخوانهن عن ربيعاتهن

[دمعة غلا]

مب شرط كل بنت تدش المنتديات ، يعني هي مب اوكي !!

يمكن بس تشارك وتفيد وتستفيد ،،،

[البزي]

بسم الله الرحمن الرحيم

السلام عليكم ورحمة الله وبركاته

موضوع جميل ومميز

ولكن يبيله تحليل

أولا هذا الزم زمن الشبكه الكنكبوتيه والتطور التكللوجي

يعني هذا طبيعي جدا انه البنت او اولد يدخلون المنتدى

لانه يحتوي على معلومات كثيره تفيهده في حياته وعمله الى اخره ..من الخبرات

لكن هناك حدود في الكلام يجب على الكل انه يعرفها

واول هذي الحدود عدم تمادي البنت في الكتابه والسوالف

مع الرجال او الاطفال بالأصح الي يتحرشون ويتمصخرون في المنتديات

لانه في حال تماديها معاهم يكون هذا الشيء ضدها مش معاها

اما من ناحية الرجل فمن حقه الغيره والخوف على مستقبله

دام انه حرمته تدخل المنتديات لأكثر من سبب ......

ممكن تعجب بأسلوب او كلام او اشعار شخص وتكون علاقه معه

هذا تفكير الرجل بكل امانه .

ويولد له الشك في تصرفات حرمته او مخطوبته وما الومه لاني

لو كنت مكانه بسوي نفس الشي لانه هذا الشيء غريزه

لا يستطيع احد التملص منها والأشد والامر أنه صديقه

في العمل قاله فلانه بنت فلان يعني مشهوره في المنتدى

وهذا اكيد بيكبر الشك عنده فلا يجوز للبنت خاصه

في المنتديات او المواقع الالكترونيه مثل المسنجر او غيره

بالتصريح بأسمها لانها بهذي الطريقه سوف تدمر نفسها بنفسها

والله المســتعان

والسموحه على الأطاله

["ورد الجوري"]

وابوييييييييييييييه ها وين عايش بالعصر الحجري ولا شو وبعدين المفروض ما يصدق مثل ما قاله ربيعه إنها فلانه بنت فلان المفروض منه غنه يتاكد وبعدين يحكم ه البنت ... ياما بنات شروا بنات بأسامي وهميه بسبب الغيره والحقد ... وبعدين اذا هي كانت مشاركاتها بين حدود الدين ما فيها شيء .. بس المشكله شباب ها الأيام يصدقون كل شيء من دون ما يشوفون بعيونهم وأحيانا تكون رد البنت في المنتدى عااادي وهم يحطون في بالهم إنها مب شيء مووووول ...

يسلموا ع الطرح واتمنى من كل الشباب يفكرون بعقل شويه

[&المعتـــــــرض&]

داااام فلانـــه ردودها ف المنتــدى ماتتعدى الحــدود انا اشوف انه السالفه عاااديه واذا ماباها اتم ف المنتدى بخبــرها وبقوول لها يافلانه انا ما أباج تحدرين المكان الفلاني..واصلا انا مايحق لي اتخبرها عن حياتها قبل ما اخذها..والسمووحــه.

[بنت آل علي]

اذا من اولها ولسبب سخيف مثل هذا فهذا ما يصلح يكون زوج
تفكيره سطحي نوعا ما ..
والله يعينها فقيرة ..
وشكرا عالموضوع الحلو..

[بنت آل علي]

موضوع رائع
واعتقد هذا انسان تفكيره سطحي