هذا كـــــــــــان ردي

[نقطة حبر]

[align=center]
نقطة حبر ,, شكرا لك لطرحك هذه التساؤلات الهامه

بس ::::


الأخ كان قصده ما يستوي تسدد ديون عن شخص يستدين عشان يتفشخر

بسيارة مثل بورش أو غيرها وهو معاشه يالله يكفيه لآخر الشهر

ليش الدولة تسدد ديونه وبأي حق ؟؟؟

وغيره من المواطنين عايشين بفقر ومب قادرين يتسلفون من البنك

وبالتالي مالهم ديون الدولة تسددها عنهم ,,


وبعدين ليش الكل متضايق من مساعدة الدولة للدول الأخرى المسلمة ؟؟؟

يعني انتم ما تدرون ان المسلم للمسلم كالبنيان المرصوص

واذا الدول الغنية ما ساعدتهم منو بيساعدهم ؟؟؟

احنا نتحرى ان النفط باقي الى الابد

لابد من يوم يجف البترول ونرجع تنازليا ,,

وبعدين الله قادر على كل شي ؟؟

شوفوا شو صار لأخوانا العمانيين من الأعاصير

فلولا لطف الله وصدقات شيوخنا لصار لنا مثل ما صار لهم

تعتقدون هالدول الي ساعدتها الامارات ما بتساعدنا

لو دار الزمان علينا ,,

كل ما تنعم به الامارات ملك للخالق أولا

ولابد ان نراعي به رضا الله ,,



والله من القهرما عرفت بشو أرد

وأنا أقول خلوا المواطن يمد لحافه على قد ريوله



[/align]

اختي سلمى منو قال ان احنا مضايقين عشان المساعدات الخارجيه

نحن ما اعترضنا هالفكره اصلا ,,, وبعدين احنا نفرح يوم الدوله بتساعد الخارج

لكن ومن ناحيه ثانيه اكرر واقول الاقربون اولى بالمعروف يعني انتي مثل ما تساعدين الدول اللي برع ساعدي عيال البلاد ، يعني فيها شي يوم قلت جي

وبعدين اللي اعرفه ان عمان رفضت المساعدات الخارجيه من اي دوله حسب متابعتنا لوسائل الاعلام وهذا مب محور كلامنا الحين .

وننتقل لموضوع دبي طبعا الكل يعرف ازمة دبي، ولما حصلت هاذي الازمه في دبي

محد ساعدها الا ابوظبي لان بالنهايه دوله وحده , برغم ان دبي لها مساهمات كثيره في المجال الانساني ( دبي العطاء )

الكويت كحكومه عرضت مساعدتها على دبي الا ان مجلس الامه رفض مساعدة دبي تحت شعار الاقربون اولى بالمعروف ...

يعني كان قصدهم ساعدو المواطنين من عقب ساعدو اخوانا ونحن الان نتكلم عن دول

لكن ننقل الموضوع بشكل مصغر :: الحين الاب يساعد عياله اول والا يساعد عيال الجيران

شي طبيعي بيكون اول ما تمتد ايده راح يساعد عياله ومن عقب دام ان الخير موجود يساعد عيال الجيران

انا ضربت هالنموذج لان احنا نمثل العيال هني

وايدين يركزون على فئة الشباب اللي يتسلفون بهدف الفشخره

وهاذي فئه قليله جدا وما اعتقد اصلا منطقيا في احد راتبه 5000 وياخذ سياره غاليه مثل البورش وغيرها اساسا كيف البنك يوافق على هالشي ،، معناها لو وافق على هالشي على المصرف المركزي التدخل لحل هاذي الظاهره اللي انتو تتكلمون عنها ومعممينها على كل المواطنين

بالنسبه لي انا اقولكم هالشي مب معقول .


وتسلمين اختي على مرورج الكريم دمتي بود