المشاركة الأصلية كتبت بواسطة الجوري الأسود
تختلف الاسباب للديون وما نقدر نحكم على الشخص ونقوله ليش انت ماخذ قرض
حتى البنك نفسه اللي بيعطيه القرض ما يسأله هذا السؤال وانت يزاك الله خير كمواطن تنصح ولد بلادك .. لكن عاد ترى المحتاج شو يسوي انا كمواطن والله قلبي يعورني وما ابغي اخذ سلفيه ... لكن عاد مضطر شو اسوي
انا ودي ما آخذ قرض درهم واحد لكن من وين اييب الفلوس لمصاريف الزواج ,,, وعلاج الوالد وبناء البيت اللي يضمني انا واسرتي ,,, لاني تعبت من الايجارات توهقت ما فيني اصبر ,, خذت قرض وسويت بيت وهاذي مب جريمه ولا فشخره ان الواحد يسكن في بيت ملك محد ينغص حياته بايجارات ولاهم يحزنون ....
لكنا في مجتمع واحد ونعرف الاسباب والاسباب تختلف منها لغرض الزواج ومنها لشراء ارض بسبة ان الحكومه ما عطته ارض فاضطر يشتري بفلوسه ,
ونحن الان مب صدد ذكر الاسباب لكن بصدد مشكلة الديون في المجتمع الاماراتي ومشكلة الديون في المجتمع الاماراتي تحتاج الى مبادرة من الدوله وهي تقدر على هذا الشي ,,,
وبما انك انت كمصرفي عارف ظروف المواطنين فالمواطنين آملين خير بحكومتهم الرشيده وهذا سبب ذكرهم للشيوخ ان الشيوخ ما بيقصرون لانهم بالفعل ما يقصرون وهذا الامل فيهم
وانا ما اشجع كذلك على الاقتراض وانما اطلب من الحكومه بوضع قوانين وضوابط تحمي حقوق عميل البنك وليس فقط البنك ,,, يحتاج ان المصرف المركزي يتدخل لظبط البنوك
ويعطيك العافيه اخوي على مرورك الطيب
رد مع اقتباس