السلام عليكم ورحمة الله وبركاته

شحالك الغالي قلب من ذهب وعساك على القوة يارب

خبرتني ربيعتي عنك وما شاء الله عندك شهره كبيرة بين الناس لتحقق الكثير من تفسيراتك عن الاحلام واللي اعرفهم يشهدون لك بالثقة والاحترام

عيبتني طريقة واسلوب تعاملك ربي يحفظك


انا قرات الشروط

الجنس \ انثى

الحالة الاجتماعية \ مطلقة

الوظيفة \ مسؤولة قسم بالاتصالات

العمر \ 40

وقت الحلم \ ليلة الجمعة

متوسطة الجمال والحمدلله

رأيت فيما يرى النائم انه دخل علي موظف في نفس القسم اللي انا مسؤولة عليه ويطلب مني اساعده مادياً وقلت حقه انه الحين ما اقدر وان شاء الله باجر بعطيه وشوي حصلت عمري موجودة في بيتنا اللي براس الخيمة وعندنا ضيوف من الاهل والجيران اعرفهم كلهم وفي امبينهم رجل وافد من ملامحه بس لابس كندورة ويقولون حقي انه ياي بيخطبج وكنت انا موافقة وسعيدة لأنه هالريال اعرفه وهو فلسطيني ومعروف عنه الوقار والحشمة ومن اللي مقيمين بالدولة من سنين والله عاطنه خير وعقبها حصلت عمري في حجرتي في نفس البيت وامي تقول حقي واخيراً تحققت امنيتك وفجأة ظهر من تحت الشبرية قطاوه تبا تعضني بس ما قدرت ودش من الدريشه شي يشبه الثعبان ولكن الريال اللي بيخطبني لحقه ومسكه من راسه وفصل راس الثعبان عن الذيل وانا اغمى علي وحصلت عمري عقبها بالمستشفى واختي اللي اصغر عني تقولي انه الريال هو اللي انقذك وابوي مستانس منه ووافق انه يزوجك اياه وبس

ادري انه الحلم طويل وغريب شوي بس خاطري اعرف شو تفسيره مع العلم اني يوم نشيت كنت مستانسه واااااايد

ربي يسعدك ويبارك لك في علمك يالغالي