ومن قالك مانوافق تعدد الزوجات
دام هالشي بشرعتنا عادي
بس بعد مثل ماقالت اختي
بموافقه مرته الاولى
يعني اهو بسلوبه دامه قدر افكر بهالموضوع يقدر بعد اناقشها وفهمها ويقنعها بشطارته



عساس مايكون في احقاد وظغينه مو بس بين الحريم حتى بين العيال بعدين

لو الريال احشم مرته الاولى مااعتقد الوحده بتعارض بترضى بلي يبيه بس خلاص الريال احط اباه الاولى طاح سوقها وموتارسه عينه ويبي اغير مل ومن قال ان الرياييل يعدلون مابظلم بختي يمكن في لكن نادر اغلب الي شفتهم والحالات الي مرت بي ماشي عدل ولاهم يحزنون يطالبون بتعدد وهم موقده

احيد تقولي وحده من الدكاتره الي عندنا بالجامعه
ان قبل لما الواحد اعرس على مرته حرمه ثانيه اهي الي تفرح له وترقص بعرسه بعد
لاتقولي شوفي كيف حريم قبل
وانا اقولك شوف الحين شو اسوون معظم الرياييل واعتقد انهم بعد مايعرفون هالشي الا القليل
كان الريال لما اعرس واييب لمرته الثانيه زهبه اييب للاولى بعد والمهر بعد نفس الشي
غيره وغيره يعني رضوه عالآخر (عالاقل الحرمه اهنيه تحس بقدرها وقيمتها وانه مانساها ومهمه بحياته )
وحرمته الاولى تستانس جنها اهي بعد عروس يديده
لكن الحين شو اسوي الريال كل ماتقوله مرته الاولى ليش ماتسويلي الشي الفلاني وليش اسوي لفلانه اقول لها انا سويتلج وحطيتلج ويبتلج كله فعل ماضي عاده اهنيه اهو احسسها انها ولاشي واتحس انه مايعدل وانها بالنسباله في خبر كان
لا والي ازيد الطين بله لو كانت مش اماراتيه(الثانيه) كل ماتقوله مرته الاولى ليش الشي الفلاني حقها وغيره اقول لها والله هاي فقيره ماعندها حد غريبه وانتي عندج اهلج وعندج ::::::::::الخ
اغلب للاسف ماقلت كلهم اغلبهم لو فكروا ياخذون الثانيه
اولا ياخذها تكون صغيييييييييره كبر عياله
لا وبعد هذا ممكن ياخذها وييب درزن عيال وبعد مايصير عياله رياييل تعرف الاولى
والا ياخذ اي لوث من اي مكان يعني لايدور حسب ولانسب ولااخلاق مجرد جمال ومادرى ان الجمال الخارجي مجرد مظهر بلاجوهر ينتهي ويفنا(اعرفون بس للاسف)
والاصعب من هاكله اييب وحده مايخصها بثقافتنا والعيال بعد لايكبرون للاسف احسون بنقص بين اقرانهم بلا اي سبب الا من رحم ربي (طبعا مش الكل في ناس ماشاء الله ولااروع)

وماادري ليش شبابنا اشوفون بنات بلادهن دلوعات ومو مال زواج وان الاجنبيات ربات بيوت ومو دلع وغيره ؟؟؟؟؟؟؟؟؟؟؟!!!!!!!!!

عالعموم على رغم كل هالكلام الي قلته انا مؤيده لتعدد الزوجات
لان الاهم ان الريال اروح طريج الحلال والباجي كله اهون بأذن الله
دام اهو مقتدر يفتح اكثر من بيت ليش لا
دامه مابقصر فيهن وبخليهن شرات خوات ليش لا
دامه بذكائه بخليهن بدال لايصيرن عدايل اصيرن (متوحدات عليه ÷)هههه)