المشاركة الأصلية كتبت بواسطة TOY STORY
أخوي انته مقتنع أنها طراره مثل ما تقول ؟؟!!
هل يعني اليهال يوم العيد وياخذون بيزات يطرون بعد ؟؟!!
الكل يعرف انه الشرع ما فيه لعبان بس مش معناته كل الي يقولون عليه نقول
امين لانه في الوقت الحالي صار الكثير يفتون بفتاوى بتحليل وتحريم اشياء كثيره
والله عطانا عقل كي نميز الغلط من الصواب ونتخذه
بتكلم وياك من ناحيه ثانيه ويا ريت تتحملني شويه
قلنا هذي عاده وليسة عباده يعني مثلها مثل اشياء كثيره نسويها
مثلا اذا ينا نعد البدع الي هيه بالاساس حرام ونسويها وايد
1. يوم العرس المعرس يدخل عند الحريم وييلس على الكوشه ؟؟هل هذه بدعه ( مب هذا حرام )
2. الاناشيد الدنيه الي نصمعها بالمعازف وهيه بالاساس اغاني لانه المعازف حرام هذي مش بدعه بسم الدين ؟؟!!
3. أختلاط النسوه مع الرجال في العمل وغيره هب حرام؟؟!!
لو بعد والله ما بخلص يا أخويه أسمحلي أقولك شي
محد أختلف وياك بأنها بعده لكن اين محروميتها هنا مربط الفرس .
أود ان اعرف وأستفيد منك أين محروميه في هذا اليوم ؟؟!!
اما من ناحية الطراره مثل ما قلت
فالاطفال يوم العيد يدورون على البيوت ايضا
فهل هذ يعني انهم يطلبون ويغنون عطونا عيديه
فرق كبير بين طلب المتسولين والقرقعان او حق الله مثل ما يطلق عليه
في الامارات
مع احترامي الشديد لك لكني أخالفك الراي
تقبل تحياتي و أحترامي لك أخوك البزي
رد مع اقتباس