المشاركة الأصلية كتبت بواسطة مرجانه
السلام عليكم ورحمة الله وبركاته
احس من زماااااااااااااااااااااااان ما كتبت حلم
ياااااااااااقلب ذهب
حلمت اليوم انّــي أنا وأختي وفاء ووحده بعد من خواتي ما ميزتها قاعدات في ميلس الرياييل وكان شكله القديم !!
وكانوا ياين شباب عيال وحده نعرفها ... وهم ثلاث اخوان كانوا يايين البيت ... واختي تقول لاخوي ناديهم خلنا نسلم عليهم!!
وانا قلت لا لا لحظه ما كنت مغطيه راسي وشعري طالع .. واخواتي الثانيات مغطيات شعرهن .. وطل حمد واخوانه الاثنين من الباب
وهم يبتسمون لنا وشفت حمد يبتسم ... وانا غطيت راسي بالكتاب وركضت الغرفه اللي تابعه للميلس انخش عشان اغطي شعري
وكنت مفتشله ومستحيه ، ومستغربه من جرأة وفاء وهي تسلم على حمد وحمد ما طوّل راح عقب ..!!
ويا اخوي سعيد عقب حجرتي وقعد حذالي وهو يبتسملي ويقولي ما يكفيج الدخل المالي من جهتين يبالج دخل مالي ثالث
شو رايج تشتغلين وانا ما صدّقت قالي جي استااااااااااانست وايد قلتلها هيه موافقه بشتغل اكيييييييد
شو تفسيركم يا شيخ
وانا موزعه اوراقي ع الشركات واتريا ردّ او اتصال
وحمد سمعت اليوم انه امه البارحه توّفت .. من الكبر !!
وهو ف الواقع متزوج وعنده بنتين ...
وعليكم السلام ورحمة الله وبركاته
يا مرجانة الله يهديج ويبارك لج في صحتج وعافيتج ما في داعي لكتابة الاحلام اللي اغلبها قيل وقال بدون افعال او ما لا يقلق او يزعج !!
اكثر من مرة نبهتج بالقسم الخاص والرسائل الخاصة وبالقسم العام واعطيتج انذار رسمي وانتي بعدج مستمرة في تكرار اللامبالاة !!
يعني هذه الرؤيا بالله عليج شو اللي تتوقعين أني ممكن افسره منها او شو اللي تشوفينه مهم فيها ؟؟
الرجاء اعتبار هذا الكلام في محمل الجد وعدم تكرار الاخطاء !!
ومثل ما هو واضح بأن الرؤيا من حدددددددددددددددديث النفس في ما لا يعلمه الا الله !!
