الله يجزيهم الخير ويقويهم على المزيد من الرقابة والمتابعة للمحلات والمصانع
ونتمنى من اعلامنا تكثيف نشر التوعية في هالموضوع


اذكر اني دشيت دورة في اطفاء الحريق وصدق تعلمت وايد.. تسائلت ليش ماخذته من قبل
لانه وايد مهم.. ويثقفك في اشيا ماكنت تعرفها.. ويمكن يجنبنا اخطاء بسيطة تنتج عنها مشاكل نحن في غنى عنها
بالاضافة لانه يعلمك كيف تتصرف في حال صارت حريجة لاقدر الله.. تكون عندك خلفية على الاقل

على سبيل المثال: اذا صارت حريجة في غرفة وتصاعد الدخان، لاتنسى انك تصكر الباب وانت شارد. لان النار تحتاج لاكسجين عسب تزيد. وانت بغلق الباب بتخنقها وبتنطفي.

الله يحفظنا جميع.. ونصيحه ان كل حد يحط في بيته طفاية ثاني اكسيد الكربون في مكان آمن
تتحكم في الشي من بدايته افضل من انه يكبر وتصعب السيطرة عليه..

صح ان صيف ونحتاج المكيفات اكثر، بس هالله هالله فيها لاتكرفونها وريحونها عن الشوط وغيره

تحيتي