رد مع اقتباسصدقت في كل كلمة قلتها ولكن من يسمعنا غير رب العاااااالمين
الله يفرج عن كل مهمووووم وربنا الوحيد قادر على كل شي
|
المشاركة الأصلية كتبت بواسطة غيوم جلفار
اشكرك اخي الكريم على طرحك هذا الموضوع وكلامك صحيح 100 %
وهنا اتفق معك في أن المواطن يجب ان يلعب دور فعال في دولته سواء اقتصاديا كان ام سياسيا ، ولكن هنالك من هم وقعو في شباك البنك وذلك لاسباب كثيرة ومن ضمن هاذي الاسباب نذكرها وهي ان المواطن في أول بدايته يعمل ويقوم الوصي عليه باستلام الراتب هنالك من هو يحمل الامانه ويوفر لابنه كان ام لأخيه الاصغر المال ... لكن هنالك من هم قد سولت لهم انفسهم من اولياء الامور خيانة الامانه ونعرف الكثيرين اللذين مرو بهاذي التجارب وتحضرني هنا قصة لأب صرف وبدد جميع اموال ابنه لغرض الزواج من امرأه اخرى ,, وكان هذا الشخص يعمل ويجتهد ويكد ولا يستلم من راتبه سوى 500 درهم بهدف التوفير وبعدها اكتشف وبقدرة قادر بأن كل السنين التي عمل بها وتعب وكان يحلم بمستقبل زاهر اكتشف بان كل امواله قد تبخرت بأحلام ورديه لوالده ...وأيام سوداء له ما زال يعاني من اثرها . اتدري منو هو ذلك الشاب اقولها وبكل أسف انا هو ذلك الشاب ، نعم انه انا ،، قضيت ايامي كلها اخطط وارسم لمستقبل زاهر واخط بالورقه والقلم والله واقول بسوي جي وبسوي جي وبحصل فلوس من ورى المشروع الفلاني وبشتري ارض وبسوي وبسوي ،، كل هذه الاحلام اصبحت لاشي ،، كل شي ضاع تبدد وانتهى ,, واكتشفت هالشيء متأخر بعد فوات الاوان ,, بعد سنين من عمري شقيت فيها كل الشقى وانا على بالي ان الوالد يجمع فلوسي عشان البطاقه كانت بحوزته وللاسف ما بقى فلس من رواتبي وازيدكم من الشعر بيت متسلف فوقي 70 ألف زيادة ...
لكن رغم كل هذا يوم طاح ومرض انا اقترضت عشان اسفره للخارج للعلاج مهما كان هذا ابوي ومهما غلط معاي مستحيل اكون ولد عاق ... انا ما أمن يستحق مني كل خير لانه هو سبب وجودي بهاذي الدنيا بعد الله تعالى ورباني وانا صغير ..
الحين انا ما كنت بقول هالقصه لكن بغيت اوضح لك اخوي مب بس انا الوحيد اللي مر بهالشي اكيد في شباب وايد انظلمو من اقرب الناس ... وهم الان يعيشون نفس حالتي .
هذه قصه وهنالك قصص
اعجبني كلامك بقولك يجب ان يكون المواطن له دور وأنا اتفق معك في هذا الكلام , ولكن إذا لم تكن البدايه صحيحه فهذا يعني انك لن تستطيع خوض مضمار التحدي وهنا اقصد التجارة وما شابه ذلك .
وهنا نتحدث عن أولئك الناس الذين اقترضو بداعي بناء منزل او الزواج او شراء ارض سكنيه , فهؤلاء الناس أعلم يا أخي أن بدايتهم لم تكن صحيحه وذلك لاسباب كثيرة . قد ذكرت لك احدى هاذي القصص .
ماهو الحـــــــــــــــــــل ؟؟؟؟؟؟؟؟؟؟؟؟
يأتي الحل في أن تقوم الدوله بمساندة مواطنيها ودعمهم والاخذ بيدهم لكي يستطيعو الوقوف ويكون لهم دور فعال على أرض الدوله
وهناك حلول كثيرة وأحدها زكاة الاموال لا أرى دور لسد ديون المواطنين المعسرين
الحل الآخر أن يتبنى المصرف المركزي خطة تزيل كل هذه الاثار عن كاهل المواطن
نعم هناك قانون وضعه المصرف المركزي يحق للمواطن اقتراض 250,000 درهم كقرض شخصي لكن البنوك تتحايل على هذا القانون وتوقعه على قرض تجاري مما يجعل للبنك مظله أمان ويكون العميل هو المتورط بهذه اللعبه القذره .
* هل المصرف المركزي لا يعرف ماذا يحصل خلف الستار ؟؟؟؟؟؟؟؟؟؟؟؟؟؟؟
اذا كان الجواب نعم فهو مدان واذا كان الجواب لا فهو ايضا مدان
ولن نستطيع التحدي الا بعدما تقوم الدوله بمساندة مواطنيها ووضع ظوابط وقوانين لكي لاتستغل البنوك العملاء مواطنين كانو ام مقيمين على ثرى هذه الارض الطيبه
واسف عالاطاله لكن حبيت اوضح بعض الامور
مرة ثانيه اقولك مشكور على مروك الطيب اخوي منور
صدقت في كل كلمة قلتها ولكن من يسمعنا غير رب العاااااالمين
الله يفرج عن كل مهمووووم وربنا الوحيد قادر على كل شي
مع احترامي الشديد لك عزيزي نقطة حبر لكني اختلف معاك في معظم اللي قلته واوافق الاخ اللي رديت عليه 100 % لولا ان الاسلوب حبذا لو كان افضل
اختلاف الراي لا يفسد للود قضية.. فبقولك رايي
ليش ينجبر المواطن انه يتسلف؟
للعلاج؟
وزارة الصحة موفرة مستتشفيات ماشالله على مستوى وتوفر العلاج اللازم. هذا غير الضمانات الصحية للي يبا يتعالج في مستشفات خاصة، وان كان عند اي مواطن تقرير من مستشفى حكومي بانه لايوجد علاج في الدولة ولابد من السفر، فوزارة الصحة تنظمله سفرة للخارج على حساب الدولة
للزواج؟
لايكلف الله نفسا الا وسعها، ومن استطاع منكم الباءة فليتزوج، واللي مايبا خساير ومبالغات خل يدور الناس اللي مايطلبون وايد وياكثرهم، وبعدين تكاليف الزواج المعقول ماتتعدى 190 الف، هذا للي يخاف ربه ويبا البركة ومايبالغ في المصاريف
(لو تبا التفاصيل والمصاريف، انا مستعد ارفقلك اياها )
للبنا؟ اللي ماعنده للبنا يسكن في ايجار لين الله يقدره، وحتى لو عاش في ايجار طول حياته هذا مب عيب ولا حرام. ومره ثانيه (لايكلف الله نفسا الا وسعها)
للسيارة؟
اسعار السيايير تتفاوت، وكلن يمد ريله على قد لحافه
بلادنا فيها الخير ولله الحمد، ولكن لا ننسى ان الخير من رب العالمين ولرب العالمين، هالنعمة حق اللي يستاهل
صح عيال البلاد اولى بهالنعمه، مثلما ان الاقربون اولى بالمعروف، ولكن اللي يستاهل منهم، مب اللي قاعد ياخذ السلفيات بدون حاجة او ضرورة!
اللي قاعد يشتغل ويكد، هو اللي يستاهل! والجزاء من جنس العمل
ولو المواطن ملاقي حاجته الحمدلله، المحتاج اللي برع الدولة واللي مب لاقي ياكل ومب لاقي مسكن هو الاولى بالفائض
لان هالمال مال رب العالمين. مب ملكي وملا ملكك،
باجر رب العالمين بيسأل اولياء الامور عن مالهم من اين اكتسبوه وفيما انفقوه
نحن بخير ونعمه اخي الكريم، ولكن الانسان مايترس عينه الا التراب
ولو تلف الدنيا كلها مابتلقى شرات الامارات
يقول رسول الله –صلى الله عليه وسلم
(من اصبح منكم آمنا في سربه، معافى في جسده، عنده قوت يومه ، فكأنما حيزت له الدنيا)
القناعة زينه.. ودوام الحال من المحال
لوعشت الترف يوم، مب يعني انك بتعيشه دوم
فلا نقارن نفسنا باللي عند الدولة.. قارن اللي تعطيك الدولة باللي قاعد تعطيها اياه
ولا تنسى ان مهما عطينا هالدولة ، مانوفيها حقها
والسموحة على الاطالة وعلى اني ماقدرت ارد على كل التشعبات في ردك
مد ريولك ع قد الحافك
الله المستعان
اسجل اعجابي الشديد برد اخوي غيوم جلفار .. رد صائب 100%
واحب اضيف نقطة للي ذكرته سابقا،
لو انفتح المجال للكل في سالفة ان الدولة تسدد ديون المواطنين، بتصير مهزلة مالها اول ولا آخر، وبيستغل هالشي اسغلال خاطئ لا محالة
قليل جدا هم من وقعو في الديون -بالاكراه- مثلك اخوي نقطة حبر، واضطرو للسلف للحاجة والضرورة، فمن الواجب ان يصل صوت هؤلاء الى اولياء الامور لأن شيوخنا عيال زايد ماظن بيقصرون وياهم ان شالله.
أما ان نفتح المجال للكل، فهالشي لا نؤيده البته.. بصير اللعب وبيصير الاستهتار، والمال السايب يعلم الناس السرقة
يكفي الترف اللي نشوفه في المراحل الصغيرة من الاجيال الياية واللي باجر على اساس بتشل مسؤولية الوطن
وكل هذا سببه باختصار لانهم لقو كل شي جدامهم.. وماتعبوا فماحسو بالمسؤولية ..
صح كلامك 100 %
وسبحــان الله لكل إنسان وجهــة نــــظر ..
ومثل مايقوولون " الصبر مفتااح الفرج"
نقطة بحر والمهندس خالد ماعليكم زود
وكلامكم على العين والراس
وأتمنى إن أرائكم توصل للكبار بأسرع وقت
عسب يحلون مشاكل كثيرة وأساسية بالدولة
أستغربت من معظم ردود الأعضاء وطريقة تفكيرهم فإذا كانت طريقة تفكيرهم هكذا فعلى الإمارات السلام ..
أوافق بعض الأعضاء على ردودهم السوية وتفكيرهم العقلاني ..
فكيف يستدين المواطن من اجل سيارة بمبالغ خيالية لايستطيع هو سد دينها وينتظر من الحكومة ان تسد دينه ؟؟
هذا يعني الاعتماد على الغير والاتكالية واللامبالاة ..
يا إخوان نحن في دولة بها من النعم مالا يوجد في دول اخرى حتى الدول الخليجية نفسها .. واذا كانت هناك بعض النواقص والسلبيات فهي لا تكاد تذكر مقارنة بغيرها من الايجابيات .. فاحمدوا ربكم واشكروه على هذه النعم ..
انا معاك يا نقطهع حبر في كل اللي قلته
ناس دخلو سجون بسبب حوادث مع انهم بدون قصد مثلا دهس او غيره وعاد الدية كم!!
وغيرها من الاسباب
احس انك بردت على الفؤاد يا نقطة حبر لأني دايم اقول هالكلام بخاطري
يعطيك العافية وان شاء الله رسالتك توصل للمسؤولين
ضوابط المشاركة
