السلام عليكم ورحمة الله وبركاته
مشكوووووووورين والله عالترحيب والورود
الله يسلمكم من كل شر انا من وين ياي ههههه ما خبرتوني
حصلنا ورد ببلاش الحمدلله ههههههه
تسلمين اختي رمش الغلا عالموضوع الاكثر من رايع
وتسلمين اختي غمازه على التنبيه كنت مغفي ماعندي خبر هههههه
وهقتونا الله يهداكم كيف طرى على بالك اسمي ههههههه
طولت عليكم نبدا بعلوم الرحله
1/ مَـآ هيَـۓ آۈلَ سفـَره فيـَـۓ حيَـآتڪ !*
اممممم اول سفره سلمكم الله العمره
2/ مَـآ هيَـَـۓ آجمَل دۈلـَة زرتهَـآ !*
اجمل دوله زرتها كانت فرنسا وخصوصا باريس
ذبحنا الشتا اللي طاف عحظي كان ابرد جو من 30 سنه
والحراره كله -6 و -5 لين ما استويت ماينس هههههه
3/ هلَ صَـآر لڪ مۈقَف محرَج ۈانتـَـﮧ مسَـآفر ، ۈ شو هۈ !*
كنت قاعد في امان الله مالي خص باحد ولاحد له خص فيني
حظي العاثر حطاني عند وحده اجنبيه والطياره فل يعني مستحيل اغير مكاني
كنا قاعدين ناكل في امان الله وهدوء تام ما اوعى الا اللي حذالي تتحيس
ومره وحده زاعت ونص الزوع على الجنز مالي
ما حصلت مكان تزوع فيه الا على جنزي هههههههه
سوري عالموقف المؤرف
4/ شَـۈ آلدۈلـَـﮧ آلليَـۓ فخَـآطرڪ تسيرَلهَـآ ، ۈليَن آلحينَــﮧ مَـآ سرتلهَـآ !*
الصراحه وايد اماكن خاطري فيها
جزر المالديف و جزر الكاريبي وجزيرة بورا بورا وجزر سليمان وجزيرة موريشوس
ومن الدوله ايطاليا والنمسا وسويسرا وهولندا
5/ ۈيَـآ منَۈ تحَب تسَـآفر ، ۈليَش !*
ويا ربعي احس الجو يكون اكتيفيتيز يعني نشاط طول السفره
ماحب الخمول احب الخبال طول الوقت ههههه
6/ اذآ ڪنَت تسَـآفر ۈآيـَد ، ، علـَـَـۓ آيَ طيَرآن ارتحَت ۈحسيَت انـَـﮧ طيَرآن رآقيَـۓ ۈ تنصَح آخۈآنَڪ آلآعضَـآء بـَـﮧ !*
الصراحه الامارات في المتبه الاولى
ومن ثم الاتحاد
7/ڪم مرت تظآآربَّت وانت مَسآآافـر اذكَــر لنـا الموقف ۈشو صآر بظبط بالتفصّيل الملل..!*
كنت مسافر لندن ومستانس محصل تذكره فري ببلاش رحت واستانست واتسوقت ورحت باريس
واتسوقت هناك بعد واستانسنا وطلعنا اللي فخاطرنا ورحنا لمعظم الاماكن اللي كنا مخططين لها
خلصت الرحله وودعت صديقي الانجليزي وعايلته الكريمه وتوني بسوي جك ان ولا يقولون لي عندك وزن زايد ,,, تعرفون كم الوزن 6 كيلو زيااده وقتها كنت مسافر عالطيران القطري العاثر
قالوا لي ادفع ,,, ونحن متعودين في الامارات مرات يوصل الوزن 20 كيلو زياده ويطوفونا عادي تساحلهم شوي وحاولت اتكلم معاهم واهم جافين وجان اصرخ في ويهم حتى ربيعي وعايلته رجعوا والسبه زعيقي هههههههه واقولهم طيران الامارات يعطونا وزن زايد ويسهلون امورنا ولا في اي فايده منهم ولا كاني ارمس ,,, سووا لي حسبه دفعت قيمة تذكرهولا كاني محصل تذكره فري
قهروني والله كان خاطري اضاربهم زياده بس شفت ماشي فايده فيهم
8/ تخيَل عمَرڪ عندَڪ طيَـآره خَـآصـﮧ ، ، منَـۈ من آلآعضَـآء بتشغلهَم عنَدڪ !*
هههههههههههههه واااااااااااااااااااااااااايد اكيد نص المنتدى
بسوي لهم نظام شفتات وبيكون الدوام شاااااااق عليكم هههههه
حددَ آسمَـآء آلآعضَـآء [ آلڪآبتَن ، ، مسَـآعد آلڪآبتَن ، ، طآقمَ آلمضيفيَن ۈ آلمضيفَـآت ] ! ‘
الكابتن طبعا انا لاني احب الطيران
مساعد الكابتن راعي الفزعات : فاقد انسان
طاقم المضيفين : قايد الغزلان ,,, العتيبي ,,, راك بوي 783 ,,, سفير جلفار ,,, سري للغايه
طاقم المضيفات : غمارة ,,, رمش الغلا ,,, عاشقة القمم ,,, سفاحة الرمس ,,, نمراويه
9/ لۈ خيَرۈڪ بيَن سفرَه لـ بلآدَ آۈرۈبـَـآ ، آۈ رحلـَـﮧ للعَرآقيَب ، ، شۈ بتختَـآر ، ۈليَش !*
بقلص العراقيب صوب اوروبا بصعد العرقوب وبنزل باوروبا هههههههه
العراقيب الصراحه لانها هالرحلات تستهويني في المخاطر خصوصا بالليل
ويل حالي يوم انقطع في البر بالليل
10/ لۈ ڪنَت سفيَر ، ، آيَ دۈلـَﮧ تختَـآر !*
اسبانيا ابي اتعلم لغتهم هههههههههه
11/ شـَۈ آصعَب شيَـۓ ۈآجهَڪ ۈ آنتـَﮧ مسَـآفر !*
بلاد غريبه وكنت مسافر لروحي وماعندي حجز مسبق اسميها وهقه صدق ههههههه
12/ شـَۈ آهَـم شَيـۓ مَـآ تنسَـآه ۈ آنتـَﮧ مسَـآفر !*
اكيد البوك اقدر اشتري فيه كل شي حتى موبايل ههههه
13/ آطۈلَ رحلـَﮧ سَـآفرتهَـآ فيَـۓ حيَـآتڪ ، ، ۈ ۈيَن ڪآنَت !*
اطول رحله الشتا اللي فات كانت بين لندن وباريس
14/ آجمَل ۈ آرۈعَ فندَق صَـآدفتَ فيَـۓ سفرَڪ !*
سوفوتيل
15/ آخَـر سۈآل ، ، سفرَه لهَـآ ذڪريَـآت حلۈهَ !*
لبناااااااااااااان اه يا لبنان والسكيت اللي فيها
اخيرا خلصت هههههههههه والله تعب
يالله اللي بعدي العضو
راك بوي 783
ومشكووووووووووووووورين عالموضوع الرايع
رد مع اقتباس