بنات الناس لعبه واختك مكتوب عليها ممنوع اللمس

[بنت المزاريع]

امممم اول شي اللي بيغازل بيغازل انا شفت بعيني شباب يغازلون بنات حشيمات لا لهن ولا عليهن ومتغشيات وماشيات بحالهن

بس مب معنى هذا ان البنات ما يغلطن الا الغلط من الطرفين موجود

امور وايد تخلي الشاب يغازل ومنها الفراغ واصدقاء السوء ونظرتهم هالايام للبنات وانا ما الومهم كوني بنت واشوف بنات جنسي اللي احيانا انا نفسي استحي اشوف لبسهن لكن من ناحية ثانية الشاب بعد ما يقصر في المغازل حتى لو البنت ماشية فحالها لانه يعتبرها غزال صعب المنال ويتباهى بين ربعه انه يقدر يطيحها ولا ييب راسها هذا الموضوع خالصين منه

لكن سالفة ان الشاب يغازل ويصادق بنات ويمنع اخته لانه ريال والريال ما يعيبه شي؟؟ ترى اقوله المشكلة في الاخلاق هب في السمعة ولا المجتمعات اللي توقف دايمن ويا الريال ...التربية والاخلاق هي الاصل وكلن يعمل باصله ومثل ما قالوا خواتي كما تدين تدان وعلى الظالم تدور الدواير اليوم بتشوه سمعة البنية باجر بيصير نفس الشي فوحدة من هلك

مشكورة عزيزتي ع الموضوع