سلام عليكم ورحمة الله بركاته
جزاك الله خير على تفسير الحلم
اخوي الغالي هذا الحلم لامي ..»
"حلمت ان عيالي الصغار يقولولي اتصلي باخونا احمد ( احمد هو ابن عديلتي .. اخو عيالي بالاب ) ، وانا اقولهم ماعندي رقمه ، فجاه اجوف الرقم جدامي في الفون
، واتصلت له ( ماتعوده اتصله او ارمسه ) تميت ساكته وهو يقولي انا اسمعج بوضوح ، فجأه رأيت إنا في السياره وياه واهله بعد ، وويانا في السيارة امه وزوجت خاله ، وذاهبون الى ايران ، وفي الطريق فاتحين دريشة السيارة وننظر الى خارج وكان الجو حلوو ومغيم
وانا اقول الجو حلوو ، واحمد يقول لا الجو عادي عندهم ، وصلنا لبيته دخلنا الفله وبعدها قدمولنا الشاي قلنا الجو حلو في الحوي، فذهبنا للحوي، فذهبت زوجة احمد للمطبخ ، واحظرت لنا عيش ولحم في صينيه ، وثم دخلنا الصاله و اكلنا ، و احد اليهال صب العيش ع الارض قمت انا القت العيش وفجاه دخل علينا شخص مجهول مع زوجته ، شكله يشبه الهندي ،قلتله شل العيش الي منصب جدامك عشان تيلس وتاكل ، وبعدين دخلنا المطبخ ، والمطبخ فيه مطبخين واحد قديم والثاني جديد وشفنا قدر مال الضغط ، فقلنا يمكن في هذا القدر مسويه اللحم عشان جي طالع زين ، و رأينا غوري مال شاي من معدن
فقانا هي مسويه الشاي بها عشان جي طالع زين ، دخلت المطبخ القديم وكنت اطل ع النافذه واشوف مسجد ، واقولهم هذا المسجد القديم مال راس الخيمه ، ورأيت امام المسجد قبور ، وفجآه تحرك شيء بالمطبخ فشعرت بالخوف "
عمري : 44
الحالة الاجتماعيه : متزوجه ربة منزل وعندي عيال
الحاله النفسيه قبل وبعد الحلم : عاديه
وقت الحلم : صباحا
.........................
احمد : ابن عديلتي ... اخو عيالي بالاب
الحالة الاجتماعيه : متزوج وعنده عيال
العمل : يعمل بمكتب السفاره في ايران
العمر : 40
.........................
وجزاك الله خير
