السلام عليكم ورحمة الله وبركاته ،،
حلمت يوم السبت 21-8-2010
انثى ، عزباء 23 سنة
جامعية
موظفة
حلمت اني كنت في بيتنا في المكان اللي تخبز فيه امي ، معدلين حقها مكان مظلة يعني مفتوحة الاطراف،، بس حصلت هالمكان ومسكرينه بخشب يعني كأنهم مسوين حجرة صندقة خشبية واستغربت انه كانوا مخلين مكان للمكيف فسألت اختي وهي عزباء ، 20 سنة ، تدرس في السنة الثانية في الجامعة ،لانها كانت موجودة في الموقع بس حسيت المكان شوي مختلف على اوسع ياي وفيه سكه ، المهم هي قالتلي انهم يالسين يسوون مكتب حق فلان والاسم اللي ذكرته هو اسم مساعد المدير المالي في المكان اللي أداوم فيه ،،طبعاا انا استغربت كيف مكتب وفيه اوراق ومعاملات يخلون بجانب مكان فيه نار يعدلون فيه خبز فاقترحت على اختي ان يخلون مكان امي في السكة اللي ياية على داخل عسب ما يحس الريال بالحرارة ومايصير في اوراقه شي وفي الحلم اتوقع اللون الغالب كان الاصفر وبني وابيض ،،وهي قالت انها ماتعرف ليش جي سووا ،، عقب انا تميت اتفحص المكان واشوف حواليني وخلص الحلم ،،،
الريال اللي ذكرت اسمه في الاربعينات من عمره ومتزوج ومسيحي من الجنسية العربية
ان شاء الله يكون تفسيره خير
