السلام عليكم . .
اممم اخويه ، انا حلمت حلم قبل كمن يووم . .
كنا فالسيارة مع ريل خالتي و بنت خالي معايه و ما اذكر منو كان موجود ..
كنت اقرى آيه الكرسي بصوت جميل ، عقب وصلنا البيت .
كنت احس باشياء غريبه جداً ، كنت احس انه في شي يتحرك فالبيت بس بدون عن اجووفه .
كنت يالسه فالصاله و جفت نعال ابويه { عزك الله } تروح لين السقف ، انا كنت رايحه اقرى آيه الكرسي بس بمجرد قولي : الله
اتطيح النعال { عزك الله } ، صارت 3 مرات انه نعال ترتفع و انا بس اقول الله و تنزل ، نعالتين بيض و وحده سودا ..
عقب سمعت جنه حد يلف المفتاح و بيبطل الحجره { حجره الكوي } و تبطل الباب بس ما طلع حد و كان يني .
انا كنت ناوية اقرى آيه الكرسي بس اختي قالتلي عادي { كانت تقصد بنه ما بياذيني }
، انا سكتت ، عقب روحت عند بنت خالتي كانت لابسه فستان
و تراويني ايا ، شويه و جفت فستنان وردي يمشي بروحه ، انا عرفت انا هذا يني { هو نفسه الي كان يبطل باب الحجره }
كنت اقرا ايه الكرسي و كررت { وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء } 3 مرات ، لين ما طلع دخان و اليني صرخ فويهي و انا الدخان شويه خنقني فما قدرت اكمل ..
عقب رديت اكمل الآيه و صـرخ اليني مره ثانية قلتله اطلع و لا تراني بقرا اكثر عقب طلع من البيت .
الحاله الاجتماعية : مب متزوجه
العمر : 14
الجنس : انثى
الحاله الوظيفيه : طالبه
الحاله الدراسيه : ذاهبة للصف الثالث اعدادي
الترتيب في الأسره : الخامسة
حلمت الحلم : الصبح
و قمت وانا خايفه ..
