المشاركة الأصلية كتبت بواسطة دمعة غلا
السلام عليكم ورحمة الله وبركاته،،
أنثى ، عزباء 23 سنة
موظفة جامعية
حلمت اليوم 31-08-2010
بعد نومي عقب صلاة الفجر، لم أكن على وضوء
حلمت بأني في بيت يدتي ، كنت يالسة ويا الاهل الوحيدة اللي اتذكرها في الحلم زوجة عمي ، عمرها 26 سنة عندها ولدين وهي الحين حامل في الشهر السابع ، كانت تقول ان عرس خالها اليوم وكنت أسألها اذا شي اليوم ليلة حنا ولابس الزفة بتكون باجر كانت تقول انها ماتعرف وجي ، إلين استوا الوقت جريب المغرب شفتها كانت مرتبشة وسارت حجرتها تبا تتعدل وقالت انهم خلاص بيسوون ليلة حنا اليوم ،،المهم عقب انا روحت بيتنا وهناك قوم امي بعد يتجهزون حق العرس وقالولي تعالي ،، المهم انا قلت مالي بارض وعندي دوام ومابا اسير ،،امي عصبت قالتلي لازم تتعدلين عادي تعالي بثيابج ولا تتعدلين قلتها مابا وجي هي عصبت ،وعقب كنت يالسة ويا خواتي س 11 سنة في المدرسة بتروح صف سادس ، ص 18 سنة خلصت ثانوية بتدش الجامعة
وكان جدامي صحن ثريد على اساس انهم يايبينه من العرس وكنت آكل ،، والمعرس كان يالس بعيد شوي عنا (يصير ولد عمة امي وولد خالة ابوي وامه مرضعة ابوي ) المهم كنت أعلق عالعرس بصوت عالي واقوله انه مب شي وقحط من هالكلام ،، عقب هو نزل راسه وروح ،، المهم عقب كأني كنت اشوف الاحداث ، قوم امي 42 سنة ، واختي 20 سنة في الجامعة بعدها ،، واخواتي الصغار بس ماشفتهم عدل منو بالضبط ساروا وفي ايدهم صحون اكل ودشوا بيت عمة امي الثانية مب هاي اللي عرس ولدها ، المهم دشوا البيت تقريبا عسب يجهزون الاكل في بيتها عقب يشلونه بيت العروس ،، العروس تصير بنت اخو ريلها بس بعد ما كان محدد منو هي بالضبط في الحلم ،، (بس في الواقع انه ام المعرس تبا صج تخطب لولدها من هالعايلة بس تخاف يرفضونه لانه مريض)
عمة امي اللي ساروا بيتها عمرها في ال50 وعندها 2 بنات و7 اولاد البنتين و2 من الاولاد معرسين
وطبعا انا اني ما كنت ابا اسير العرس لأني شفت ابوي كانت يايب موتر رنج روفر موديل 2009 لونه ابيض لؤلؤي عسب اوديه الدوام ، وانا قلت اذا سرت العرس يمكن ماقدر اداوم اليوم الثاني ،، المهم استوا اليوم الثاني وخذت سيارة الرنج ،، وحسيت ان سواقتها مش مريحة وانا توني في الدرب وطالعة من فريجنا شفت مجموعة من الجمال وحاولت اتجنبها عسب ما يطيح جمل على الموتر وينكسر لانه تقريبا كان الوالد يايبنه بس تيست درايف المهم طلعت من الفريج بأعجوبة للشارع العام كان الصبح بس اول ما وصلت الشارع العام حسيت الدنيا استوت ظلام وسيد اليمين في الشارع كله شاحنات والسيد اليسار يمشي بطيء والسيارات ضاربة اشارة خطر ، وحاولت اشوف شو مستوي شفت نار كأن شي محترق والمطافي يرشون ماي وعقب خلص الحلم
للعلم عمة امي اللي كان عرس ولدها ، كنت امس في بيتهم ازور بنتها الثانية اللي عمرها 36 وعندها بنتين ويايبه الحين توأم اولاد وهي تقريبا في ال60 من عمرها وعندها 3 اولاد و4 بنات ،، 3 من البنات معرسين و2 من الاولاد معرسين ،، بس اصغر بناتها صارلها شهور ما تسأل عن امها ومب على اتصال وياهم ،،ومايعرفون اخبارها
وعليكم السلام ورحمة الله وبركاته
على حسب ما جاء في هذه الرؤيا فإنها تدل على بعض الاضطربات الاجتماعية او العائلية وظروف وعقبات تؤجل ما هو مقرر له وتغيرات في بعض مشاريعك الخاصة او عدم تحقق شي تخططين له ولكن اغلب ما جاء في هذه الرؤيا فهو من واقع حياتك الحالية وهي قريبة من حديث النفس !!
ارجو أن يكون التفسير واضحاً لما هو في معناه ؟
هذا وأن الله اعلم ...
ضوابط المشاركة
