السلام عليكم و رحمة الله و بركاته
عمري : 22
طالبة جامعية
عزباء
حلمت اليوم اني كنت في محل لبيع الملابس و بعدين ركبت التكسي مع بنت صاحبة المحل اللي كنت فيه و كنت خايفة من راع التكسي ليسوي فينا شي المهم فجأة اذكرت و انا في التكسي اني نسيت شيلتي و عباتي في المحل و كان بس نقابي معاي ماسكتنه بايدي فقلت حق راع التاكسي رجعني المحل عشان اييب شيلتي و عباتي ووافق و بعده بثواني لاحظت ان التاكسي قاعد يضحك ضحكة خبيثة و كان يحاول يتحرش في بنت صاحبة المحل جان افتح باب السيارة و كانت السيارة تتحرك و كنت احاول اساعد بنت صاحبة المحل عشان تطلع وياي و كنت مركزة في الحلم على نقابي اني ما انساه في السيارة و فعلا الحمد الله ما نسيته المهم نجحت اني اساعد البنت انها تطلع من السيارة و بعدين طلع راع التكسي من السيارة و كان يحاول انا يلحقنا و استغربت اني اشوف عمري حذال باب بيتنا و كان مفتوح و كنت وايد مستانسة جان ادخل البيت و كنت اقول حق البنت اللي كانت وياي ان تدخل بس ما رضت تدخل المهم دخلت البيت و صكيت الباب
