المشاركة الأصلية كتبت بواسطة مرجانه
السلام عليكم ورحمة الله وبركاته
يزاك الله خير شيخنا الجليل على تفسيرك ، الله يتمم عليك نعمه ظاهره وباطنه
ويسخرك في خدمة الدين ويرفع قدرك اللهم آميـــن
حلمت يوم الثلاثاء 24 / 8 / 2010
إنّ طلعتلي دورة دراسه اسافر فيها فرنسا ثلاثة شهور ...انا واخوي عبدالحميد
بعدين يوم سافرنا كنا مع وايد طلاب وحاجزين لنا فندق كامل بس البنات مبنى والشباب مبنى ثاني
لنا ولدراستنا وعليه حراسه امنيه مشدده محد يطلع من الفندق الساعه 8 عقب المغرب ومحد يدخله!!
وكنت مضااااااااايجه من الحبسه هناك!!
وكان خاطري اطلع اتمشى ، ووياي شلة خوال وخالات اونه زملاء الدراسه.. وكنا انخطط شو انسوي
بعضهم سووا حبل من الدريشه لتحت عشان يوصلون لنا طلبات مطاعم !!
وطلبنا برجر كنت يوعانه ... ويابوا الطلبيه من الدريشه !!
ووزعت الوجبات وقعدت اكل ... عقب قلت انا عندي فكره
بطلع العصر من الفندق واتمشى واخلص ولو صكروا الباب بطلع من الحبل اللي يودي دريشه الغرفه
وعقب يوم يا العصر لبست تنورة قصيره نيلية وقميص ابيض
وكانت التنورة فوق الركب ، واتكشخت ولبست نظارات نيلي وابيض بعد وسويت ميك اب
وشليت شنطة اليد اللي كانت مليانه علب مرايات ... والواليت طبعاً
وكنت مواعده اربيعتي ..وطلعنا برع الفندق والجو يخببببل وامشي بالشارع وشفت وحده مقهورة تقولي ماعندج ذووق
ومشيت انا وحبيبتي اللي ما اعرف من هي؟ ومطنشين الكل
وقلتلها اشرايج نروح المطعم نتغدى قالت اوك
ودخلنا مطعم وكان شكلي اتغير فجأه كنت كأني( بويه او ولد )لابسه فوق التنورة القصيره كندورة بربريه وامشي مثل الشباب
وكان فيه وايد شباب مواطنين بس طنشناهم ودخلنا قسم العوائل
وكان المكان ضيق بس انحشرنا فيه وقعدت عدالي
والشباب رايحين رادين علينا يطالعونا
وعقب يوا بنات وايد ونحن مطنشين الكل نتغزل ببعض
عقب قلتلها هاتي بلقمج بإيدي حبيبتي
وخذت الملعقة وقعدت القمها اول لقمة طاح اشوي من حلجها قلتلها ما عليه بعطيج الثانيه ودخلي الاكل كله
والبنات عقب التفوا حوالين طاولتنا يطالعونا ونحن مطنشينهم
ولقمتها الثانيه والثالثه عقب قالتلي خلاص يكفيني ... واقولها بعد اشوي تقولي لا يكفي
وعقب كلت انا وشربنا العصير ونشينا عقب ..
طلعنا برع المطعم وشفت حديقه حلووووه ومثل الفلي عدال الزراعه واثنين شباب يلعبون هناك
ولمحت هوز الماي وشليته وقعدت ارش الزراعه وارش الشباب وهم يضحكون ويقولون لي سبحتينا خلاص !!
وكان الجو حلووووو
عقب انا وحبيبتي قررنا نرجع الفندق ...
ورجعنا وثوبي تغير فجأه وكنت بالتنورة القصيرة مرة ثانيه والشكل البنوووتي
ودلووعه وايد ... وحده كانت تلحقني تبا مرايه ... قلتلها هاج شنطتي بتلاقين وايد علب مرايات
قالت لا انا ابي المكبّره ... احيد عندج وحده تكبّر .. قلتلها بتلاقينها داخل وطلعتلها اياها ...
وبعدين شفت الزيني ( واحد مصري ) في مكتبه حوالينه زملاء العمل كلهم قاعدين ع الكمبيوترات
وانا عندي كورة قدم كانت بيضه كلها... فريتها عليه ... عقب تلقاها هو .. والمدير كان يطالعه عادي
وفرها علي ... وانا افرها عليه ...وهو يفرها علي ... وتمينا جي اشوي عقب انا دخلت داخل !!
وشفت انهّ ( مرت ولد خالتي ) عليا ... دشت حجرتي وقالت ابي ارقد وياج
وووسعت لها مكان بشبريتي عدالي بالضبط
ومديت ايدي اقولها تعالي صوبي ارقدي تعالي
ويت وانسدحت صوبي ولحّفتها ورقدنا
( مع العلم اني ما أدانيها أبداً وهي تغار وايد )
>> وعقب سألتك ياشيخ انا شفت جي وجي من البدايه للنهايه
وقلتلي : ف الحلم :
انّ بتييج بعثه وبتدرسين برع في فرنسا ثلاثة شهور ...
وبالنسبة لحلم عليا ... هي من الاسم ... يكون رجل اسمه عليّ
تحبينه ويحبج ..... !!
بس هذا الذي اذكر انّك قلتلي اياه ؟
شو تفسيره!!وعليكم السلام ورحمة الله وبركاته
على حسب ما جاء في هذه الرؤيا فإنها تدل على تغيرات معدودة في حياتك الاجتماعية غير محدد وقتها ومكانها !!
هذا وأن الله اعلم ...
